, gələn dəfə bu dərsə girəcəm?
Təəccüb və təəssüf dolu baxışlar Kərəmə zillənmişdi. Əsəbindən dişi damağını kəsən Ayan acıqlı-acıqlı Kərəmə baxırdı. Kərəm biraz hirsli, biraz da özündən razı şəkildə sinifdən çıxdı. Biruzə verməməyə çalışsa da Xəyal müəllim onun bu hörmətsizliyinə bərk əsəbiləşmişdi. Təbaşiri götürüb izahına davam eləsə də fikrini heç cür toplaya bilmirdi.
Tənəffüdə parta yoldaşını kefsiz görən Leyla ondan nə olduğunu xəbər alaraq yenə də peşman oldu. Çünki Ələddin yenə zəhərini onun üstünə tökərək sinifdən çıxmışdı. Leyla isə bir də ondan heç nə soruşmayacağına dair özünə söz verdi. Sevinc ilə söhbət eləyən Asyanın bir gözü də qaşlarını düyünləyib əli çənəsində çölə baxan Ayanda idi. Kərəmin hərəkətlərini heç cür həzm eləyə bilməyən Ayan onu bu barədə xəbərdar eləmək fikrində idi. Bir xeyli götür-qoy eləyib düşüncəli halda çölə çıxdı. Başları lövhədə qar dənəcikləri çəkməyə qarışmış Qəmərlə Günel ona baxıb bir-birilərinə göz-qaş elədilər.
-Görürsən,-deyə Qəmər Günelə pıçıldadı,-Kərəmə görə necə əsəbidir?
-Yəni, deyirsən Kərəmə görə belədir?
-Az hə, neçə dəfə onu Kərəmə gizli-gizli baxanda tutmuşam.
Elə bu vaxt “taapppp”deyə pəncərəyə qar topası yapışdı. Sinifdəkilər, xüsusilə də pəncərəyə yaxın oturmuş qızlar bərk diksinib pəncərəyə baxdılar.
-Bu nədir?-deyə Züleyxa ayağa qaxıb çölə boylandı. Sinfin yarısı, yəni oğlanların demək olar ki, hamısı aşağıda qartopu oynayırdı. Bayaqkı zərbənin sahibi Yusif qışqıra-qışqıra nəsə deyir, amma pəncərə bağlı olduğundan nə dediyi eşidilmirdi.-Yusifdir,-deyə Züleyxa qızlara sarı baxdı,-yəqin ki, pəncərəni açmağımızı istəyir.
-Yusif?-deyə Sevinc təəccüblə ayağa qalxdı.-O nə vaxt həyətə düşdü?
-Oğlanların hamısı həyətdədir. Qartopu oynayırlar.-Züleyxa həvəsli şəkildə əlini pəncərənin dəstəyinə atdı. Sağ əli ilə dəstəyi aşağı burub pəncərəni aralamışdı ki, çöldən gələn qar topası sürətlə ondan yan keçib Sevincin üzünü tutdu.
-Ayyy!-deyə Sevinc qışqırdı.
Züleyxanı nişan alan Yusif isə əlləri belində