hərəkətlərinin məni incitməyindədir.
Əli yalnız indi Tarielin nə demək istədiyini başa düşmüşdü. Demək Ayanın narahatlığı xalası qızından daha çox Kərəmə görə imiş. Bu onun əhvalını daha da pozdu. Bu vaxt qapıda görünən Dilşad xala gözucu Əlini süzüb qızına acıqlandı.-Ay qız, sən hələ getməmisən? Hazırlığa gecikirsən axı.
-Həə,-anasını görüb özünü itirən Ayan tez-tələsik pilləkənlərə doğru getdi,-gedirəm, gedirəm.
Əlinin salamını dilucu alan Dilşad xala qapını örtüb içəri girdi. Pilləkənin başında dayanıb Ayandan eşitdiklərini başa düşməyə çalışan Əli indi özünü dünyanın ən bədbəxt insanı hesab eləyirdi.“Yanılmışammış. Elə bilirdim ki, Ayan son iki ayda mənə qarşı...yox, bu mənim korluğumdur. Heç ağlıma da gəlməzdi ki, o mənə yox, Kərəmə tərəf baxır.”
Hazırlıqdan çıxıb blokdan çölə boylanan Sevinc ətrafda dostunu görməyib həm duruxdu, həm də biraz narahat oldu. Yusif adətən bu vaxtlar burada olurdu. Telefonunu çıxarıb ona zəng eləsə də operator qız ona zəng çatmadığını dedi. Əhvalı pozularaq telefonu cibinə qaytardı. Elə bu vaxt bir qaraltının ona doğru gəldiyini sezdi. Gözlərini qıyaraq ona tərəf baxdı:
-Yusif, sənsən?
-Eto ya,-ona yaxınlaşan Cavid idi,- salam, necəsən?
-Cavid? Sən burada neyləyirsən?
-Nə bilim. Dedim ki, sevodnya səni mən aparmaq...
-Mən Yusifi gözləyirdim.-deyə Sevinc ətrafa boylandı.
-Neyləyirsən Yusifi? O çox paxıl oğlandır. Polden səni soruşdum, söylədi ki sənə nə?
-Zarafat eləyib yəqin. Elə deməyinə baxma, paxıl deyil, onun çox böyük ürəyi var.
-Da, koneşno.-Cavid kianyə ilə ağzını büzdü.-o qədər böyük ürəyidir ki, kajdıy qod bir qızı sevmək. Dub!
-Cavid,-deyə Sevinc səsini qaldırdı,-o mənim dostumdur. Sözlərinə fikir ver.
-Xoroşo, xoroşo, əsəbiləşmə. amma moye serdce, mmm... mənim ürəyim o qədər də böyük deyil. Sənin yerləşəcəyindəkidir, yəni... ancaq sənin qədərdir.-Cavid arxasında gizlətdiyi tək qızılgülü ona uzatdı.
-Ca...Caa...vid,-Sevinc gözləri böyümüş şəkildə ona baxdı,-bu nədir?
-Roza, ...eee, yəni qızılgül. Səndən