olma. Mən gedib baxaram.
-Hara baxırsınız? Tibb bacısını çağırmaq lazımdırsa, mən gedərəm.-bayaqdan bəri gözlərini Sevilə zilləmiş İsmayıl anidən nəzərlərini ondan ayıraraqsöhbətə qoşuldu.
-Yoox İsmayıl,-Sevinc gülməyini güclə saxlayaraq ona baxdı,-Mirvari müəlliməni tapıb Sevil üçün icazə alacam.
-Mirvari müəllimə? Sinif rəhbəri?
-Hə.
-O, burada idi də. Bayaq koridorda gördüm. Dərsdən çıxıb müəllimlər otağına gedirdi. İstəyirsiniz mən gedib icazə alım?
-A nə yaxşı. Dayan mən də səninlə gəlim.
Sevil yalnız indi gözlərini açaraq İsmayılın arxasınca baxa bildi.
Sevinclə İsmayıl ard-arda sinifdən çıxdılar. Dəhlizdə Yusif onlara rast gəldi.
-Hara gedirsiniz?
-Müəllimlər otağına, icazə almağa.
-İcazə almağa? Kimin üçün?
İsmayıl dedi:
-Sevilin qızdırması var.
-Sevilin? A nə olub ona?
Sevinc hirsləndi:
-Qızdırması var da ay Yusif, üşüyür!
-Yaxşı da, nə dedim ki?
Müəllimlər otağı bütün tənəffüslərdə olduğu kimi müəllimlərlə dolu idi. Cədvələ baxan, söhbət edən, jurnal yazan müəllimlərlə. Müəllimlərin əksəriyyəti oturub gündəlik qayğıları, sinif və şagirdləri barədə söhbət edirdilər. Mirvari müəllimə də digər müəllim yoldaşı ilə söhbət edirdi.
Elə bu vaxt Sevinc içəri girib Mirvari müəlliməyə yaxınlaşdı:
-Müəllimə, bir dəqiqə sizi olar?
-Nə olub a bala?
-Müəllimə, Sevil yaxşı deyil ee, qızdırması var, üşüyür. İcazə versəydiniz evə gedərdi.
Mirvari müəllimə narazılıqla:
-Siz də icazə üçün bəhanə gəzirsiniz.-dedi, sonra,-Nə olub ona?-deyə xəbər aldı.
-Səhərki yağışda islanıb müəllimə. İndi də bərk üşüyür. İstiliyi də var.
-Haradadır indi?
-Sinifdə. Gələ bilmədi.
-Bura gələ bilmədisə, evə necə gedəcək?-sonra ayağa qalxaraq yanındakı müəlliməyə-Səncanı Əsli müəllimə, sumkama nəzarət elə, gəlirəm indi. Gedim, görüm nə olub?-dedi.
-Narahat olma müəllimə. Baxaram.
Mirvari müəllimə qapıda İsmayılı görüb:
-Sən burada neyləyirsən a bala?-deyə soruşdu.
Sevinc arxadan İsmayıla “Niyə gəldiyini demə” deyə işarə eləyirdi.

Dərsi qurtaran Xatirə