verdi:
-Hara getsin ay müəllimə? Tibb otağnın yerini tanıyır ki?!
-Bəs niyə getdi?
-Bizə də elə o maraqlıdır.-Yusif yenə güldü.
Mehdi gülərək qolunu Kərəmin qoluna vurdu.
-Görəsən, hara qədər gedəcək?
-Uzaqbaşı koridorun başına qədər.
Yusif başını buladı:
-Yox, bu deyəsən çatıb.
Hamı hələ də maraqla qapıya baxıb İsmayılın qayıtmasını gözləyirdi. Qapıdan biri girdi. Amma bu İsmayıl yox, Tarix müəlliməsi Ülviyyə müəllimə idi. Uşaqlar onu görüb özlərini yığışdırdılar, hərə öz yerinə keçdi. Ülviyyə müəllimə Sevili göstərərək Mirvari müəllimədən soruşdu:
-Salam müəllimə. Nə olub ona?
-Qızdırması var, müəllimə. İcazə versəydiniz medsestra gəlib baxardı, sonra evə gedərdi.
-Əlbəttə, icazə sizindir. Buyurun.-Ülviyyə müəllimə üzünü sinfə tutdu.-Salam uşaqlar!
-Salam!!!
-Əyləşin!
Ülviyyə müəllimə Sevilə yaxınlaşdı, ona tərəf əyilib əlini onun alnına qoydu.
-Can ay bala. Harada soyuqlamısan belə?
Züleyxa Sevilin yerinə cavab verdi:
-Yağışdan oldu e müəllimə. Zontiksiz gəlib islanıb.
Mirvari müəllimə dedi:
-Uşaq getdi medsestranı çağırmağa. Amma bunlar deyir, o heç tibb otağının yerini də tanımır.
Uşaqlar yenə öz aralarında gülüşdülər.
-Hə, o təzə gələn oğlan? Koridaorda mənimlə rastlaşdı. Tibb otağının yerini soruşdu. Dedim “Nə olub?” Cavab vermədi, hövlank qaçdı.
Ülviyyə müəllimə yerinə keçdi. Birdən gözü əlini çənəsinin altına qoyaraq kefsiz halda kitabı vərəqləyən Əliyə sataşdı
-Əli, sənə nə olub? Xəstəsən?
Adəti üzrə Mehdi yenə də başqasının yerinə cavab verdi
-Bəli müəllimə, onun da qızdırması var.
-Niyə, o da islanıb?
-Bəli müəllimə. Həm də “sırımsıklam”-bu sözü deyərkən Mehdi çəkinə-çəkinə Əliyə baxdı.
-Necə, başa düşmədim?
-Heç müəllimə. Yəni deyirəm zontiki gəlməyib, yəni zontikini gətirməyib bu gün.
Əli heç nə deyə bilməsə də tərs-tərs Mehdiyə baxdı.
Biraz keçmədi ki İsmayıl tibb bacısı ilə gəldi. Mirvari müəllimə başqa sinifdə dərsi olduğu üçün artıq getmişdi. Tibb bacısı Sahilə xala Sevilin hərarətini ölçdü. Hərarət salan dərman