cavab verdi.
-Ya toje xoroşo. Spasibo milaya.
Ramazan əyilib İsmayılın qulağına pıçıldadı:
-Bunlar yenə başladılar öz dillərində danışmağa.
İsmayıl gülümsədi.
-Kim yoxdur?-Zivər müəllimə sinfə göz gəzdirdi.
-Sevil xəstədir, icazəsi var. Günellə Rəhim də ki, gəlməyiblər.-Leyla cavab verdi.
-Hmm, tak. Jurnalı ver.
Elə bu vaxt qapı döyüldü.
Zivər müəllimə sinfə baxaraq zarafatla soruşdu.
-Qonağımız var?-sonra qapıya tərəf səsləndi,-Açıqdır, gəl!
Əli, Yusif, Tariel və Mehdi bir-birilərinin arxasınca sinfə girdilər. Əli çəkinə-çəkinə:
-Salam müəllimə. Olar?-deyə soruşdu
Zivər müəllimə onları görüb ciddiləşdi:
-Qde vı bıli?
-V teneffüse.-Yusif gülə-gülə cavab verdi.
Uşaqlar da gülüşdülər. Zivər müəllimə tərs-tərs sinfə baxdı. Sonra üzünü gecikənlərə tutub kinayəylə dedi:
-Oy, oy, prastite. Mən bilmirdim ki, tənəffüs hələ bitməyib.
-Bağışlayın müəllimə.-Əli utanaraq dedi.
-Zəngi eşitməmişdik, bağışlayın.-Mehdi də dilləndi.
Zivər müəllimə onlara baxıb başını buladı.
-Keçin, oturun yerinizə!
Yusif yerinə keçəndə bir anlıq Ayanın partasının qabağında durdu və üzürxahlıq edərək:
-Bağışla, Ayan.-dedi.
-Məndən üzr istəmə.-deyən Ayan başıyla Züleyxanı göstərdi.
Yusif gözucu Züleyxaya baxdı, lakin heç nə deməyib keçib yerinə oturdu. Üzünü sinfə tutan Zivər müəllimə:
-Kto qotov?-deyə soruşdu.
Həmişəki kimi Asya, Leyla, Ələddin, bir də bu dəfə İsmayıl əlini qaldırdılar.

Tənəffüsdə qonşu sinifdən bir qız gəlib Leylanı çağırdı ki, Sona müəllimə çağırır. Leyla getdi. Sevinclə Ayan söhbəteləyirdilər. Elə bu vaxt Züleyxa da onlara yaxınlaşdı.
-Qızlar, bağışlayın sözünüzü kəsirəm.
Ayan mehribanlıqla:
-Eybi yox, canım. Buyur.-deyə gülümsədi. Züleyxa əvvəlcə İngilis dili hazırlığı üçün onlardan məsləhət aldı. Araya çökən beş-altı saniyəlik sükutu Sevinc pozdu.
-Zülüş, Yusifin bu gün elədiklərinə görə mən...-üzürxahlıq eləmək istədi.
-Sevinc!-Züleyxa onun sözünü ağzında qoydu.-Lazım deyil. Sən niyə üzr istəyirsən?
-Yusifdir də. Arada