verdiyin məsləhətlərlə o hara qədər gedəcək, görəsən?
-Üstündə “Sizi Əli və Ayanın toy məclisinə dəvət edirik” yazılan dəvətnamə gələndə deyəcəm sənə.
Sevinc əlini-əlinə vurub güldü:
-Pah! Toy ee, dəvətnamə! Sən yarıtmadın, heç olmasa o yarıtsın, hə?
-Haradan bilirsən yarıtmadım? Onun da vaxtı gələcək, narahat olma.
-Nç, nç, nç. Heç dəyişmədin də sən.
-Nə isə. Gəl gedək.-sonra Yusif Sevincə göz vuraraq,-Anan səni gözləyir.-dedi.

Ayanla Xatirə müəllimənin müəllimlər otağından çıxdığını görən Əli də yavaş-yavaş aşağı endi. Bu vaxt Xatirə müəllimə Ayana deyirdi:
-Hərəsindən beş nüsxə. Pulun çatar?
-Çatar, çatar müəllimə, üstümdə var.
-Yaxşı onda, mən dərsə girməliyəm. Hələlik.
-Hələlik müəllimə.
Xatirə müəllimə piləkənlə yuxarı çıxmaq istəyirdi ki, Əlini burada görüb təəccüblə soruşdu:
-Bııy Əli? Sən də getməmisən?
-Salam müəllimə. Xeyr, yuxarıda işim var idi.
-Lap yaxşı. Hələlik uşaqlar.-Xatirə müəllimə sağollaşıb yuxarı çıxdı.
-Sağolun müəllimə.-sonra Əli üzünü Ayana tutub soruşdu-Onlar nədir?
-Heç, testlərdir, ksereks elətdirəcəm. Hazırlıq üçündür.
Əli guya heç nə bilmirmiş kimi maraqla soruşdu:
-Bəs Sevincgil hanı? Niyə təksən?
-Asya musiqiyə tələsirdi. Sevinci də ki, Yusif apardı.-onlar söhbət eləyə-eləyə pilləkənləri düşürdülər.
-Niyə?
-Nə bilim. Sevincin anası qapıda qalıb, açar da Sevincdə. Yusif gəldi ki, bəs qonşu deyir, tez evə getsin. Ona görə o da getməli oldu.
Əli maraqla Ayana qulaq asır, həm də ürəyində Yusifə minnətdarlıq edirdi. Lakin Ayanın qəfil sualına hazırlıqsız tutuldu.
-Bəs sən niyə hələ də buradasan?
-Mən?-Əli bir anlıq duruxdu, sonra birtəhər özünü toplayıb dedi-Yuxarıda oğlan var idi. Ona söz deyirdim. Daha gördüm Yusif də yoxdur, tək qalmalı oldum. Sənin kimi.
Onlar beləcə məktəbdən çıxdılar. Əli bir tərəfdən Ayan yanında olduğu üçün həyəcanlanır, digər tərəfdən də onunla danışmağa söz axtarırdı.
-Testlər nədəndir?
-Azərbaycan dilindən.
-Hmm. Sizin qrupda Azərbaycan dilidir də əsas?
-Baxır da. DT-də