ə Azərbaycan diliylə Tarix, XH-da Azərbaycan diliylə Xarici dili.
Əli təəccüblə və gülərək soruşdu:
-Onlar nədir?
-DT-dil, tarixdir, XH-xarici dili, hüquq.
-İndi səndə hansıdır?
-XH-xarici dili. Tərcüməçi olmaq istəyirəm axı mən.
-İnşallah olarsan.
-Sağol, İnşallah. Bəs sən nə fikirləşirsən? Harasa verməyəcəksən?
Əli etiraz əlaməti olaraq başını buladı.
-Niyə?
-Bu saatdan sonra oxumaq gecdir.
-Oxumaq heç vaxt gec deyil, Əli! Həm də sən elə də savadsız deyilsən axı.
Əlinin üzündə qeyri-adi bir təbəssüm yarandı. Ayana baxaraq:
-Doğrudan belə fikirləşirsən?-deyə soruşdu.
-Əlbəttə. Bax, sən istəsən hazırlaşıb harasa qəbul oluna bilərsən. Ən yaxşı bildiyin fənlər hansılardır?
-Ədəbiyyatla Tarix.
-Lap yaxşı. Onda üçüncü qrupa ver.
-Mənim ingilis dilim zəifdir axı.
-Müəllim yanına get.
-Olar ki, elə?
-Niyə olmur ki? Sınamadan bilməzsən ki. Yaxşı-yaxşı hazırlaş, apreldə sınaqlar başlayır. Sınaqlarda da özünü sına, bir də gördün, alındı.
-Əslində düz deyirsən e, Ayan. Qardaşım bu il qurtarır, əsgər getməlidir. Mən də qurtarıram, heç yerə verməsəm, mən də əsgər getməli olacağam. Vətənimə canım da qurban, amma bu tərəfdən də yazıq anam tək qalacaq.
-Görürsən Əli? Bu da var. Məncə sən yaxşı-yaxşı fikirləş. Oxumaq yaxşı şeydir.
Əli bir anlıq duruxdu:
-Yaxşı, tutaq ki, mən oxudum, verdim üçüncü qrupa. Nə olacam, müəllimə?
Ayan da duruxaraq Əlinin üzünə baxdı:
-Hmm, yaxşı sualdır. Heç bunu fikirləşməmişdim.-biraz fikrə gedib sonra dedi-Amma narahat olma, ixtisas jurnalı çıxsın, mən sənə xəbər eləyərəm, oradan baxıb bir şey seçərik.
-Ayan, çoxsağol.-Əli Ayana baxıb xoş bir təbəssümlə,-Sən məni ayıltmasaydın, mən hələ də qəflət yuxusunda idim.-dedi.
-O nə sözdür? Əlbəttə bir-birimizə kömək edəcəyik.
Onlar söhbət- eləyə-eləyə yolu yarı eləmişdilər. Əli yolun digər tərəfindəki kitab dükanını göstərib:
-Testləri kserks etdirək?-dedi.
-Sən narahat olma e Əli, mən özüm eləyərəm.
-Yox, nə narahatlıq? Gəl.
Onlar yolu keçib dükana girdilər. Əli özünü