da. Sən də kinoya baxırdın?
-Nə kino ə? İki gündür tökmüşəm kitab-dəftəri qabağıma. Bu İngilis dili nə zülmmüş!
-Sən ciddi-ciddi dərsə girişmisən? Sən altıncı gün nələr oldu, onu mənə bir danış görüm.
-Heç. Gəzə-gəzə getdik Ayanın testləri var idi, Xatirə müəllimə vermişdi, onu ksereks elətdirdik. Sonra da gəzə-gəzə qayıtdıq.
-Elə bu?-Yusif ağzını büzərək Əliyə baxdı.
-Nə olmalı idi ki?
-Nə bilim? Sən deyirdin ki, bəs Ayan deyir, sən də istəsən oxuya bilərsən. Mən də ona görə qərar vermişəm hazırlaşım.
-Həə... Ayan dedi ki, mən sənə kömək eləyərəm. Nəyi bilməsən soruş, oxumaq pis şey deyil. Mən də belə baxdım, həqiqətən də düz deyirmiş. Oxumaq lazımdır, o, savadlı qızdır, mən belə oxumamış, savadsız, sonra məni bəyənməz.
-Vaaay, məhəbbətin qüdrətinə bax! Oxu bala, oxu!-Yusif əlini Əlinin çiyninə vurdu.
-Sən danış ee. Sən niyə gecikmisən?
-Əşşi, gecə gec yatmışdım. Kinoya baxırdım, səhər də gec durdum.
-Deyirəm, bu il qaldın da bekar.-Əli Yusifi süzərək dedi-Səni də bir ilhamlandıran olmadı. Tez yatasan, tez durasan, dərs oxuyasan, özünə bir fikir verəsən.-Əli onun saçlarını və köynəyinin yaxalığını düzəldə-düzəldə onu məzəmmət edirdi.
-Hə, hələ ki,bekaram.-Yusif ah çəkdi.-Sonrası Allah kərimdir.
-Aha, demək sonrası da var?
-Nə bilmək olar?-Yusif yenə ah çəkdi-Qismət.
-Belə dərindən ah çəkdiyinə görə bu dəfəki çox dərindədir, hə?-Əli ona göz vurdu.
-Görək də. O, həqiqi sevgi ola biləcək, ya yox?
-Sevgi dedin, Sevinc yadıma düşdü. O, tez gedib deyəsən.
-Bu vaxta Sevinc qalar? Bir də başa düşmədim, mən sevgi deyəndə sənin yadına niyə Sevinc düşdü?
-Hər ikisinin kökü “sev” feli deyil? İkisi də feldən düzələn düzəltmə isimlərdir. –gi şəkilçisi...
Yusif Əlinin sözünü kəsərək:
-Yaxşı, yaxşı, başa düşdüm ki, oxumusan.-dedi.-Belə davam elə! Bəlkə Ayanın gözünə girə bildin.
Əli –Amin!-deyə ah çəkdi

Artıq dərs başlamışdı. Sinfə göz gəzdirən Ülviyyə müəllimə:
-Gecikənlər var?-deyə soruşdu.
Leyla-Bəli, var.-deyə müəllimə cavab verdi.
-Beş dəqiqə də