ı bədənlərini idarə eləyə bilmir. Mən o qədərinə necə nəzarət eləyim?
-Yaxşı da, qaçıblar, cəhənnəmə qaçıblar-Günay onu sakitləşdirməyə çalışırdı-Sən neyləyəsən? Əsəbləşmə!
-Leyloş, müəllim gələndə de ki, heç məndən də icazə almayıblar. Hər yaramaza görə bu qədər əsəbləşmə!-Nuray da ona təsəlli verirdi.
Leyla da onlara qoşulub özünü təsəlli etməyə başladı:
-Əşşi, cəhənnəmə qaçıblar. Mənə nə e?
Pəncərəyə söykənən Sevinc Ayana Leylanı işarə göstərərək:
-Buna nə olub, yenə də cin atına minib?-deyə soruşdu.
-Görmürsən, oğlanların yarısı dərsdən qaçıb? Yazıq ona görə əsəbləşib.
-Bu niyə yazıq olur ki? Buna nə deyən var?
-Niyə elə deyirsən, ay Sevinc? Bilmirsən, uşaqlar qaçan, ya da dərsə gecikən kimi Mirvari müəllimə onu danlayır?
-Hə, o da düzdür.-Sevinc sinfə göz gəzdirərək təlaşla-Ay daa, Yusif də yoxdur?-dedi.-O da qaçıb?
Ayan da ətrafa baxdı:
-Bayaq burada idi axı.
-O bayaq idi. Deməli, indi qaçıb.
Bu vaxt İsmayılla Əli içəri girdilər. Sevinc onları görüb səslədi:
-Əli, ay Əli. Yusifi görməmisən?
-Hə, çöldədir.-Əli dedi- Bir qızla söhbət eləyir.
-Bir qızla?-özündən asılı olmadan Sevinc qaşlarını çatdı. Sonra öz-özünə,-Hə də,Yusifi harada itirsən, qızların yanında taparsan.-dedi.
Əli İsmayıla göz vurub pıçıltı ilə dedi:
-Yusif, deyəsən, sezonu açıb.
İsmayıl maraq və təəccüblə:
-Nə sezonu?-deyə soruşdu.
-O necə olur?
-Bu Yusif ildə bir qız fırlamalıdır da.
İsmayıl gülümsəyək başını buladı.
Onların danışığını eşidən Ayan:
-Əli, yaxşı da!-deyərək ona göz ağartdı.
Elə bu vaxt Yusif gülə-gülə içəri girdi. Əli yenə İsmayıla tərəf əyilərək pıçıltı ilə:
-Bax, indi qırğın düşəcək.-dedi.
-Niyə?
-Gözlə, görərsən.
Yusif bayaqdan onu gözləyən uşaqlara yaxınlaşdı. Gülə-gülə dedi:
-Muştuluğumu verin!
-Nə olub,-Sevinc kinayə ilə,-təzə qız tapmısan?-deyə xəbər aldı.
Yusif duruxdu.
-Yoox, onu kim deyir? Prosto, Coğrafiya müəlliminin bu günə işi çıxıb, hazırlığı bazar gününə salıb. “c”-dəki qız dedi.
-Doğrudan,-Sevinc mənalı-mənalı Əligilə