sadəcə səssizlik var idi. Çünki təkcə Ayan səssizcə dayanmışdı.
-Halaldır Əliyə. Nə gözəl şeirdir!-sağa çevrilən Sevinc Yusifin baxışları ilə qarşılaşdı. Yusifin gözləri dolmuşdu. Sevinc ilk dəfə idi ki, onu belə görürdü.
-Caan, sənə nə oldu?
Bu vədədə Asya arxaya dönərək gülə-gülə:
-Yəqin, sevgilisi yadına düşüb.-dedi.
-Hansı?
Sevincin bu sözünə hər ikisi güldü. Yusif dostuna tərs-tərs baxdı, sonra hirslə durub getdi. Sevinclə Asya isə heç nə başa düşmədən bir-birilərinə baxırdılar.Artıq növbəti dərsin zəngi vurulsa da hələ müəllimə yox idi. Uşaqların bəziləri yerlərində oturmuş, bəziləri isə sinifdə gəzişirdi. Yan sıradan Zaman Leylanı səsləyərək müəllimin gəlib-gəlməyəcəyini xəbər aldı:
-Get bax da, müəllimə gəlib ya yox? Gəlməyibsə, evə gedək.
Leyla üzünü turşudaraq Zamana baxdı:
-Ölürsən də evə getmək üçün.
-Nə evə?-Ələddin də söhbətə qarışdı.-Bundan sonra hələ İqtisadiyyat da var.
-Ə yaxşı da, çıraq! Öldürmüsən ee.
-Ələdin düz deyir. Hələ bir dərsimiz də var. Otur yerində.
Bu vaxt sinfə otuz beş-qırx yaşlarında, hündürboylu,sərt görünüşlü bir qadın girdi. Bu, Simuzər müəllimə idi. O, çantasını masanın üstünə qoyaraq sinfə baxdı:
-Nə olub, birinci dəfədir müəllimə görürsünüz?
Hamı bir-birinə baxdı. Leyla çəkinə-çəkinə dilləndi:
-Xeyr müəllimə. Sadəcə bizə Ülviyyə müəllimənin dərsi idi.
-Mən də bilirəm, Ülviyyə müəllimənin dərsidir. Amma o, evə getməli oldu. Onun yerinə də məni göndərdilər. Nədir, etirazı olan var?
-Xeyr müəllimə.-Leyla çaşqınlıqla ətrafa baxdı.
-Lap yaxşı. Elə isə açın kitablarınızı. Axırıncı mövzu nə idi?
Leyla kitabı vərəqlədi:
-Demokratik cəmiyyətdə tolerantlıq.
Simuzər müəllimə eynəyini gözünə taxa-taxa, bir əli ilə də kitanı vərəqləyirdi.
-Aha, kim deyər, tolerantlıq nədir?
-Tole-rantlıq prü-plü-plüla-plüralizmin bir şərtidir.-hecalaya-hecalaya kitabdan mövzunun ilk cümləsini oxuyan Tariel sonra sevinə-sevinə müəlliməyə baxdı.
-Mən demədim, kim üzündən oxuyar.-Simuzər müəllimə tərs-tərs Tarielə baxdı.-Dedim ki,