, kim deyər, tolerantlıq nədir?
-Müəllimə,-Ayan əlini qaldırdı.
-Buyur.
-Tolerantlıq dini dözümlülükdür. Yəni, dini, irqi və milliyətindən asılı olmayaraq insanların bir-birinə dözümlü, humanist davranmaları.
-Doğrudur, qızım, əyləş! Yaxşı, tolerantlıq həmişəmi vacibdir? Nə olursa olsun, istənilən halda bütün insanların bir-birinə qarşı dözümlü olması şərtdir?
-Xeyr müəllimə,-Leyla da əlini qaldırdı,-əgər bir dövlət digərinin ərazisinə soxulub torpaqlarını işğal eləyibsə, onda tolerantlıq pozulur, həmin dövlət də öz hüquqlarını qorumaq üçün ona qarşı mövqeyini dəyişə bilər.
-Afərin! Əyləş qızım. Mövzunu səthi də olsa təkrarladıq. Gəlin görək, başqa kimləri danışdıra bilərik?-deyib Simuzər müəllimə jurnala baxdı.

Dərs qurtarmışdı. Məktəbin həyəti həmişəki kimi uşaqlarla dolu idi: birinci növbə evə gedir, ikinci növbə isə dərsə gəlirdi. İsmayıl yenə də eyni planı həyata keçirmək üçün məktəbin qapısında gözləyirdi. Tez-tez, amma oğrun-oğrun şüşədən içəri boylanırdı. Yusif, Əli və Mehdi söhbət eləyə-eləyə məktəbdən çıxırdılar.
-Heyranam da sənə, Əli.-Yusif əlini onun çiyninə qoyub tərifləyirdi.-Haradan tapırsan bu sözləri?
Əli təvazökarlıqla:
-Adi sözlərdir də, nə var ki, orada?-dedi.
-Bax, gözünə su ver e,-Mehdi Əlini göstərərək Yusifi danlamağa başladı,-ildə bir qız sevməklə deyil e, hansı birinə şeir yazmısan?
Yusif də eyni ifadəylə Mehdini Əliyə göstərdi.
-Deyirəm, bir gün bu mənim əlimdə öləcək, amma hansı gün?
-Nə dedim e mən?
-Yaxşı, qırışmayın yenə də.-onları sakitləşdirən Əli birdən qapının ağzındakı İsmayılı gördü və səslədi:-İsmayıl, sən xeyir ola, orada?
-Heeeç, birini gözləyirəm.
-Həə? Gözlə, gözlə. Hələlik onda
-Hələlik.
Biraz aralandıqdan sonra Mehdi özünü yoldaşlarına yaxın tutub dedi:
-Sizcə, kimi gözləyir?
-Nə bilək?-Əli çiyinlərini çəkdi.
-Hə, keçən dəfə mən də onu burada görmüşdüm.-deyə Yusif də söhbətə qoşuldu.-Yəqin, tanışı zadıdır.
-Yox əşşi,-Mehdi kinayə ilə əlini havada yellədi,-bəlkə sinif yoldaşını?
-Sinif