, şikayətimi geri götürməsəm, onu öldürəcəklər.
-Narahat olmayın, xanım. İndi araşdırarıq. Onsuz da əl-qolları bağlıdır. Heç kiminlə əlaqə saxlaya bilməyəcəklər.-deyə Sərxan maşına tərəf getdi.
Xatirə müəllimə təlaşla çantasını açdı. Telefonu çıxarıb zəngləri görcək daha da təlaşlandı:
-Bu nə vaxt səssizə düşüb? Əli, Ayan? Bunlar niyə dalbadal zəng eləyiblər?
-Zəng eləyin, bəlkə qaldaşınınzı tapıbla?
Xatirə müəllimə Ayana zəng elədi. Məlum oldu ki, Ramin bu neçə saat ərzində playstationda olub. Dərsə gedərkən tanışlarından biri onun qbağını kəsərək başını bişirib playstationa aparıb. Həmin tanışının başını isə Ülvi bişirib. Ayanı evə ötürən Əli hər bir-biri playstationları gəzərkən Ramini tapıb evə gətirib.Polis bölməsində hər şey aydın oldu. Çətin də olsa Ülvi dükanı yandırdığını və bunu da sevdiyi qıza görə elədiyini boynuna aldı. Onunla əlbir olan digər iki dostu da tutularaq ifadələri alındı. Hər şey aydınlaşdığına və Kərəmin üstündən şübhələrin qalxdığına götrə Xəyal müəllim çox sevinirdi. Günahkarların tutulma xəbərini alan Rafiq də tez özünü polis bölməsinə yetirdi. Ülvini onun əlindən almaq biraz çətin oldu. Bütün bunlara tam sevinə bilməyən isə Xatirə müəllimə idi. Nə qədər niftət eləsə də bir o qədər sevirdi və hadisələrin bu yerə qədər çatmasında özünü günahkar bilirdi. Günorta saat üçə yaxınlaşırdı. Müəllimlər getməyib Kərəmin buraxılmağını gözləyirdilər. Oğlunun günahsız olduğu və buraxılacağı xəbərini alan Nəcəf əmi qaranəfəs özünü polis bölməsinə yetirdi. Yazıq kişi sevindiyindən nə edəcəyini bilmirdi. Çox keçmədi ki, dəhlizin digər ucunda Kərəm göründü. Atası onu görüb sevincək onun qabağına getdi.
-Oğlum, sükür Allahın böyüklüyünə!-deyib onun boynuna sarıldı.-Yaxşısan? Səni incidib eləmədilər orada?-deyə əli ilə onun üz-gözünü yoxladı.
-Yox ay ata. Niyə incitsinlər? Narahat olma, yaxşıyam. Anamgil necədir?
Özünü gümrah göstərməyə çalışsa da son bir günün stresi, yorğunluğu üzündən aydınca sezilirdi. Sanki illərin yorğunu idi. Gözlərində