i Mehdidiən saldı.
-Mixaylo neylədi görəsən? İmtahana girəndə balaca uşaqlartək dodaqlarını büzmüşdü.
-Ayan ona kömək eləyər,-deyə Asya öz-özünə qımışdı,-Mixaylo dodaqlarını büzüb ondan da kömək istəyər.
-A, onlar bir sinfə düşüblər?-Əli guya bu xəbəri indi eşidirmiş kimi təəccübləndi.
-Da, nə əcəb Mixaylo sənə deməyib?
-Nə bilim.-deyə Əli çiyinlərini çəkdi.
Onlar ikinci mərtəbəyə çatdılar. Mehdi pəncərənin qabağında dayanıb bir oğlanla yazdıqlarını müzakirə eləyirdi. Ayanla Sevinc isə dəhlizin digər tərəfində idilər. Asya rəfiqələrini görüb onlara tərəf getdi. Ayana tərəf əyilib:
-Narahat olma, doroqoya, ona kömək eləmişəm.-dedi.
-Çox sağol.-deyə Ayan minnətdarlığını bildirmək üçün onun əlini sıxdı.
Əli başı qarışıq olan Mehdiyə yaxınlaşdı. Mehdinin başı testə o qədər qarışmışdı ki, Əlinin arxadan yaxınlaşdığını və testə tərəf əyildiyini görüb belə hiss eləmədi.
-Mixaylo, nə var, nə yox?
-Bismillah!-deyə Mehdi dik atılıb arxaya döndü.-Sən nə vaxt gəldin?
-Bayaqdan sənə baxıram. Başın testə elə qarışıb ki, kənardan baxan da deyir ki, alimdir bu.
-Tanış ol, bu Ramaldır,-deyə Mehdi qarşısındakı oğlanı göstərdi,-uzaq qohumumuzdur. Qismətdən bu gün mənimlə eyni sinfə düşüb. Bu da Əlidir,-Mehdi indi də Əlini oğlana göstərdi,-sinif yoldaşım.
Əli tanış olmaq üçün oğlanla əl sıxdı.
-Narahat olma, ona kömək eləmişəm.-Mehdi əliyə tərəf əyilib qulağına pıçıldadı.
-Kimə?-deyə Əli əvvəlcə təəccüblə ona baxdı.
-Ona da Ayana, o da mənə kömək elədi.
-Səən?-Əli qaşının birini qaldırıb maraqla ona baxdı.-Ayana kömək eləmisən?
-Ayə, hə də. Qismətdən Ramalla onun variantı bir idi. Mən cavabları yazıb ayana ötürürdüm, o da bizə kömək eləyirdi.
-Yaxşı oxuyandır, heç olmasa?-Əliyə yenidən Mehdiyə tərəf əyildi.
-Hə, narahat olma, birinci qrupa hazırlaşır.
-Sağol e, Mixaylo, səndən də adama xeyir gələrmiş
Birdən Əli Ramalın harasa boylandığını gördü. Onun nəzərləri istiqamətində arxaya döndü. Arxada Sevinc, Asya və Ayan söhbət edirdilər. Mehdi də onun harasa