baxdığının fərqinə varıb bir arxaya, bir də ona baxdı.
-Ramo, xeyir ola, hara baxırsan?
-Heeç, heç yerə.-deyə Ramal özünü yığışdırdı.
Bir neçə saniyədə nə fikirləşdisə bir testə, bir də qızlara baxdı. Sonra ayaqlanıb onlara sarı getdi. Bu Əlini daha da təlaşlandırdı. Narahat şəkildə Mehdiyə baxdı. Sonra Ramalın arxasınca-qızların yanına getdi. Ayana test kitabçasını göstərib nəsə soruşurdu. Əli narahat olmağa başladı. O hiss eləyirdi ki, Ramalın əsl fikri başqadır. Əsəbindən dişlərini bir-birinə sıxır, əlində yumruladığı test kitabçasını bərk-bərk burur, tərs-tərs Mehdiyə tərəf baxırdı. Əlinin bu halını görən Asya kitabçasını Ayandan alıb:
-A, bundan asan nə var? Keçən dəfə Hafizə müəlimə izah eləmişdi.-dedi.
Asyanın bu hərəkətindən heç nə anlamayan Ayan təəccüblə ona baxırdı. Asya isə başı ilə Sevincə işarə eləyirdi. İşarədən qanan Sevinc Ayanın qolundan dartaraq:
-Canım, gəl çölə çıxaq da. Bu məktəb məni sıxmağa başlayır.-dedi.
-Bəs Asya?
- Asya da gələr də. Ürəyim sıxılır e. Nə olar, gəl gedək də.
Asya başını testdən qaldırmayaraq:
-Hə, gedin, gedin.-dedi.-Ya seyças pridu.
Ayanın qolundan tutub darta-darta aparan Sevinc bir anlıq başıyla Əliyə işarə eləyib onun da gəlməsini dedi. Əvvəlcə Sevincin niyə belə elədiyini başa düşməsə də Əli onların arxasınca getməyə başladı. Heç nə başa düşməyən Ramal isə bir Ayanın arxasınca, bir də Mehdiyə baxırdı. Mehdi onnu qabağına keçərək əllərini yana açaraq başını bulaya-bulaya:
-Qapılar bağlandı, növbəti stansiya sənlik deyil.-dedi.
-Neyləyirsən ə?-Ramal tərs-tərs ona baxdı.-Çəkil qabağımdan, işim var.
-Olmaz, başına iş alma, o qıza yaxın getmə.
-Niyə?
Mehdi əlini Ramalın boynuna doladı:
-Gəl, səninlə biraz söhbət eləyək.
Birinci mərtəbəyə çatanda Sevinc Yusifi axtarmaq bəhanəsi ilə Əligildən aralandı. Əli isə axır ki, Ayanla tək qaldığına görə sevinsə də Sevincin niyə belə elədiyini başa düşməmişdi. Lakin indi bu haqda fikirləşməkdənsə Ayanla söhbət eləməyi daha vacib saydı. Onlr söhbət eləyə-eləyə