ə olub Ələddin, Biologiyanı yaxşı yazmamısan?-deyə soruşdu.
-Nə?-deyə Ələddin diksinib ona baxdı.
-Deyirəm, Bilogiyanı yaxşı yazmamısan? Ona görə fikirlisən?
-Yoox, hamısını yaxşı yazmışam.-Ələddin özünü ələ aldı.-Prosto yorğunam.
-Həə, elə olsun.-Günel özünü inanmıştək göstərib ondan aralandı.
Lakin Ələddinin baxışlarından agah olan təkcə Günel deyildi. Kənan yaxınlaşıb ona tərəf əyilərək astaca:
-Başqa vaxt mən bu məsələdən danışanda məni bir döymədiyin qalır, ağzıma part deyə vurursan. Amma indi özün ona elə baxırsan ki, daha hiss eləməyən qalmadı.-deyə qulağlna pıçıldadı.
Onun bu sözünə yüngülcə dodaq qaçıran Ələddin kinayə ilə:
-Sən görmək istədiyini görürsənsə mənim gözlərim yol çəkməməlidir?-deyə soruşdu.
-Eh, çıraq, çıraq. Bilmirəm, kimdən gizlədirsən, nədən gizlənirsən, başa düşə bilmədim də səni. Sənin ki qabağında Qadir kimi qardaş yoxdur, daha nəyi gözləyirsən?
-Kənan,-deyə Ələddin üzünü çevirib tərs-tərs ona baxdı,-sənin məndən başqa dərdin yoxdur?-deyə soruşdu.
Kənan incimiş halda Ələddinə baxıb başını bulaya-bulaya:
-Daha sənə sözüm yoxdur.-dedi və ondan aralandı.
Saatına baxan Leyla narahat şəkildə məktəbə boylandı:
-Bu Ramazanın məktəbdə gecələmək fikri var? Gəlməyəcəksə biz də gedək də.
-Da da,-deyə Asya da ona qoşuldu,-zaçem onu gözləyirik ki?
-Doğrudan, ondan nə əcəb?-deyə Əli də saatına baxdı.-Belə gecikən deyildi axı.
-Bəlkə o da imtahanarası hansısa qıza vurulub, indi də telefon nömrəsi istəyir?-deyə Mehdi bic-bic gülümsədi.
-Mixaylo, Ramazandan danışırıq e, səndən yox.-Yusif kinayə ilə dilləndi.
-Vurulanlarınızın əli belə bala batıb onunku da yağa batacaq.-bayaqdan bəri söhbətə qulaq asan Tariel axır ki, dilləndi.-Sevgidən başqa bir şey bilmirsiniz?
-Yox bilmirik,-Əli maraqla ona baxıb,-bu səni narahat eləyir?-deyə soruşdu.
-Ə, mən səninlə danışdım? Sən nə yuyulmamış çömçə kimi özünü ortalığa atırsan?
-Mənə dedin, yuyulmamış çömçə? Ə, çömçə kimi ortalığa düşən sənsən, hələ bir danışırsan da?!
-Nədir, verdiyin sözü