. Direktor dedi ki, ikinci mərtəbədədir.
-Hə, köhnə psixoloqun otağı. Mən apararam səni.
Onlar ikinci mərtəbəyə çatmışdlar ki, pilləkənin başında Xəyal müəllimlə qarşılaşdılar. Bir anda Nigar müəllimənin dodaqlarından təbəssüm qaçdı. O anın çaşqınlığı ilə gözlərini iri açaraq ona baxdı:
-Fərid?
Xəyal müəllim çaşqınlıqla əvvəl ətrafına boylandı. Sonra həmin ifadə ilə bir Günel müəlliməyə, bir də Nigar müəlliməyə baxıb:
-Bağışlayın, deyəsən məni kiməsə oxşatmısınız.-dedi.
Günel müəllimə yavaşca rəfiqəsinin qoluna toxundu. Sonra gülə-gülə:
-İnsan insana necə oxşayarmış.-dedi.-Nigar müəllimə, bu bizim məktəbimizin Kimya müəllimlərindəndir, Xəyal müəllim.-sonra Xəyal müəlimə baxaraq-Bu da məktəbimizin yeni psixoloqudur, Nigar müəllimə-deyə onu təqdim etdi.
-Nə gözəl, tanışlığımıza şadam.-deyə Xəyal müəllim gülərüzlə başını yellədi.-Yeni işiniz də xeyilli olsun.
Nigar müəllimə gözlərini ondan çəkə bilmirdi. Onu belə görən rəfiqəsi qolunu yenidən onun qoluna toxundurdu.
-Nigar müəllimə, gedək?
Birtəhər gözlərini qarşısındakından çəkən Nigar müəllimə bayaqkı kimi gülümsəməyə çalışdı.
-Gedək də.
Növbəti tənəffüslərdən biri. Zərifə fikirli-fikirli əlini çənəsinə dayayıb sinif otaqlarının qarşısındakı pəncəyərə söykənmiş, çölü seyr edirdi. Onu belə görən rəfiqəsi Nigar ona yaxınlaşdı.
-Sənin üzünü bir gün gülən görsəm nəzir verəcəm. İndi nə olub?
-Ehh Nigar,-deyə Zərifə gözünü pəncərədən çəkməyərək ah çəkdi,-bu həyat mənə gülməyi qadağan eləyib.
-Yenə qardaşın incidir?
-Kaş incidəydi. İndi qardaşım yalan olub, məni incidən...-söz Zərifənin boğazında düyünləndi, deyə bilmədi.
-Kənandır?
Zərifə rəfiqəsinin belə tez başa düşəcəyini gözləmirdi. Ona görə də təəccüblə ona baxdı. Nigar isə özündən əmin tərzdə:
-Elə baxma, mən səni özümdən də yaxşı tanıyıram.-dedi.-Guya bilmirəm, bir aydır, niyə belə sağa-sola baxırsan, bəhanə ilə niyə ikinci mərtəbəyə düşürsən? Nə olub, aranız niyə dəyib?
-Aramız var idi ki, dəysin? Əvvəl özünü superman kimi göstərdi, guya