qayğıma qalır, guya məni qoruyur, gözümə girməyə çalışdı. Sonra qardaşım iki dəfə üstünə kükrədi deyə qaçdı, girdi, siçan deşiyinə. Axmaqlıq məndədir axı. Bir dəfə təriflədm deyə özünü bir şey sandı, sonra da yox oldu.
-Fikir eləmə bacı, bunların hamısı eynidir. Əvvəl səni özlərinə aşiq eləyirlər, sonra da aradan çıxırlar.
-Nə aşiq ay qız? Kimdir ona aşiq olan?-Zəridə duruxaraq geri atıldı.-Mən prosto onun qorxaqlığından danışıram.
-Bunu ona deyəsən. Mənə isə sənin yalanın keçməz. Dedim axı, səni özümdən də yaxşı tanıyıram. İndi de görüm, əsas dərdin nədir?
-Bilmirəm necə başa salım. Əvvəl onu tanıyana qədər bütün oğlanlara nifrət eləyirdim. Fikirləşirdim ki, hamısı eyni zibildir. Amma sonra onu tanıdım, o qədər mülayim, qoçaq, səmimi idi ki... Fikirləşdim ki, bəlkə də hamısı eyni deyil. Nə qədər israr eləsə də ondan qaçmağa çalışırdım, qorxurdum ki, qardaşlarım onu incidər. Amma sonra mənə görə elədiklərindən sonra gözümdə pillə-pillə yüksəldi, ürəyimdə sözlə izah olunmayan bir şeylər yarandı. Sonra gördü ki, yox, qardaşlarımla bacara bilməyəcək, yol yaxın ikən aradan çıxdı. Nigar, qəribə olan bilirsən nədir? Bıçaqlanandan sonra Qadirin mənə, anama, elə Nahidə qarşı da münasinbəti dəyişilib. Əvvəlki kimi tez-tez hirslənmir, məni döymür, qab-qacaq sındırmır. Amma inan ki, bu vecimə deyil. Kənanın belə tez bezməyi məni qardaşımın yumruqlarından daha çox incidir. Deyəsən mən ona öyrəşmişdim.
-Deyəsən nədir? Sən əməlli-başlı onu sevirsən. Əvvəl elə bilirdim, yəni sən özün də elə deyirdin, ona qardaş kimi baxırsan, amma sonra gördüm ki, ürəyin sözə baxmır.
Zərifə duruxdu. Doluxan gözlərini silib öz-özünə nəsə tapmıştək:
-Qardaş kimi baxıram?-dedi.-Hə də Nigar,-deyə Nigara baxdı,-onun mənə görə elədikləri heç də məndən xoşu gəldiyinə görə deyilmiş. Bir dəfə demişdi ki, onun bir bacısı iki yaşında ikən ölüb, ona görə də Qadirin mənə elədiklərini başa düşə bilmir.
-Başa düşmədim, nə var ki, burada?
-Nigar, onun bacısının adı da Zərifə olub. Yəni məni bacısı