girim. Tərslikdən bura da bomboşdur.-sonra ciddiləşib-Yaxşı, davam elə görüm, sonra nə oldu?
-Mən də dedim ki, sizin heç bir günahınızı yoxdu. Amma o həl saniyə “mən olmasaydım, belə olmazdı.”deyildi. Mən də “Mən belə fikiləşmiləm, əksinə, yaxşı ki valsınız.”dedim
-Elə bu?-deyə Rafiq üzünü turşutdu.
-Hə də. Nə olmalı idi ki.
-Sən belə eləsən, şadlıq sarayına qədər gedərsən.
-Doğludan?-deyə Xəyal müəllimin gözləri parıldadı.
-Hə, bəs necə? Gedib toyuna əlli manat yazdırıb, yeyib-içib, oynayıb gələrsən.
-Sağol e, yaxşı təsəlli velilsən.
-Əziz qardaşım,-Rafiq ona yaxınlaşaraq əlini qardaşının çiyninə qoydu,-incimə, sənin xoşbəxtliyini mən özümkündən daha çox istəyirəm. Çünki sən xoşbəxt olmasan, mən də ola bilməyəcəm. Birincisi, sənin müraciət tərzin başdan-ayağa səhvdir. “Siz” nədir? Arada bu boyda rəsmilik var və sən ona ürəyini açmaq istəyirsən? Birinci, “siz”i yığışdır, “sən”ə keç. Sonra çalış, onunla belə həyat, gündəlik məşğuliyyət, nə bilim, belə ən çox danışılan mövzular ətrafında danış. Nələrdən xoşu gəlir, nələrdən gəlmir. Arada özün haqqında da danış həm özünü tanıt, həm də onu tanı. Arada bir də belə yüngülvari romantik cümlələr qur “Yaxşı ki varsan.” “Bu rəng sənə çox yaraşır.”kimi. Bir də ən əsas şərt-nə danışırsan, danış, amma bir qızın yanında heç vaxt özünü tərifləməyə, göydən getməyə çalışma. Çünki əksər qızlar buna inanmırlar. Əsmər indi də təzə-təzə danışmağa başlayanda özümü təriflədiyim vaxtları başıma vurur.
Qardaşına qulaq asdıqca Xəyal müəllimin eyni açılır, ürəklənirdi.Ayanın dalğınlığı həm dərs, həm də hazırlıq boyu Xatirə müəllimənin gözündən yayınmadı. Ona görə də hazırlıqdan sonra onu saxlayıb səbəbini öyrənmək qərarına gəldi. İnkar eləsə də Ayan sonra “d”li Sevinc məsləsini ona danışdı. Xatirə müəllimə isə belə xırda məsələyə görə özünü üzməməyi, hadisələrə tamam ayrı tərəfdən baxmasını dedi.
-Bəzən oğlanlar bir qıza ürəyini açmaq üçün aşqa bir qızın məsləhətinə ehtiyac duyarlar. Yəqin ki, Əli də Sevincdən bu