baxışlarla başını döndərib Mehdiyə baxsa da Mehdi çiyinlərini çəkdi. Yenidən kağıza baxmaq üçün üzünü çevirəndə isə Günelin gözucu kağızdakılarını oxuduğunu görüb tez kağızı bükdü. İndi onun tək istəyi bu dərsin bir an əvvəl qurtarması idi.
Dərs bitər-bitməz özünü Mehdiyə yetirən Kənan ondan bunu ona kimin verdiyini xəbər aldı. Mehdi isə Nigarın verdiyini dedi. Kənan vaxt itirmədən sinifdən çıxaraq bufetə tərəf getməyə başladı. Beynində ancaq bir sual fırlanırdı. “Zərifə onu niyə çağırıb?” bir an əvvəl özünü bufetə yetirib sualına cavab tapmaq istəyirdi, amma yol onun üçün qurtarmaq bilmirdi. Həmişə bir göz qırpımında gəldiyi bu məsafə indi uzandıqca uzanırdı. Nəhayət, gözündə böyüyən bu yolu qət edərək özünü bufetə yetirdi. Amma burada Zərifədən başqa hamı var idi. bufetin içərisinə boylanaraq içəridəki qızların arasında Zərifəni axtarmağa başladı. Yox idi. Təmkinli olub onu biraz da gözləməyə qərar verdi.
Psixoloqun otağına yaxınlaşan Günel müəllimə qapını döymək üçün əlini uzatmışdı ki, qapı qəfildən açıldı. İçəridən çıxan və Nigar müəlliməyə minnətdarlıq edən sürəyya müəllimə Günel müəlliməni görcək tələsik onunla sağollaşıb onlardan aralandı. Günel müəllimə də onu burada gördüyünə təəccüblənmişdi. Onun arxasınca baxaraq:
-Sürəyya müəllimə sənin yanına gəlmişdi?-deyə soruşdu.
-Hə, nə var ki burada?
-Necə yəni nə var? Bütün şagirdlər bunun əlindən dad eləyir, heç müəllimlərlə də yola getmir. Bu hara, bura hara?
-Əslində göründüyü kimi biri deyil. Özü də etiraf eləyir ki, hamı ilə pis davranıram, amma bunu istəyərək eləmirəm. Məndən biraz məsləhət
aldı.
-Bəs niyə belə davranır?
-İnsandr da, özünə görə problem və səbəbləri var.-bir qədər susan psixoloq üzünü rəfiqəsinə tutdu.-Sən niyə gəlmişdin?
-Psixoloqun yanına niyə gəlirlər? Məsləhət almağa.
-Hmm, bax ha, mən ancaq məktəb problemləri ilə maraqlanıram.-deyə Nmigar müəllimə ona göz vurdu.-Şəxsi problemlərlə yox.
-Narahat olma, mənim şəxsi problemim də elə məktəblə bağlıdır. Anar müəllim də bu