bir qram da kin yoxdur.
-Düz deyirsən. Zərifə demiş, o məndən daha cəsarətli çıxdı. Zərifdən ayrılmalı idim, amma heç cür cəsarət eləyib ona yaxınlaşa bilmirdim. Mehdi ilə Nigarın oyunu bir bəhanə oldu.-Kənan bir qədər susdu. Sonra sanki nəsə xatırlamıştək təlaşla Ələddinə baxıb-Zəng vurulub?
deyə soruşdu.
-Çoxdaan.-deyə Ələddin gülərək əlini havada yellədi.
-Başa düşmədim, biz indi dərsdən qaçmış sayılırıq?
-Aha.-deyə ələddin dodaqlarını büzərək başını yellədi.
-Çıraq, sən..sən də dərsdən qaçmısan?
-Ayə, hə də. Deyəsən bu ayrılıq sənə yaramadı, axı. Uje on beş dəqiqədir, buradayam.
-Çıraq, sən niyə belə elədin?-deyə Kənan narazılıqla ayağa qalxıb durması üçün Ələddinin də qolundan yapışdı.-Dur, dur! Tez dərsə gedirik. Mən qoymaram, mənə görə sənin kimi nümunəvi bir uşağa söz gəlsin.
-Ayə, yaxşı. Uje gecdir, qayıbımızı yazıblar. Həm də qoy şagirdliyimin axır ayları dərsdən qaçmağın da ləzzətini görüm.-Ələddin gülərək Kənana göz vurdu.-Özün demirdin, “Dərsdən qaçmayan şagird deyil.”deyən?
-Yoox,-deyə Kənan yenidən onun yanında oturdu,-sən belə uşaq deyildin. Boynuna almırsan, amma bu qız səni yaman dəyişib.
-Hansı qız?
-Kim olduğunu bilrisən. Mən desəm hirslənəcəksən.
-Yaxşı da. Neçə dəfə demişəm, elə bir söhbət yoxdur?
-Deyəsən axı biz dostuq? Gözümün içinə baxa-baxa mənə yalan danışırsan. Bax, sən xahiş elədin, mən sənə hər şeyi danışdım. İndi mən xahiş eləyirəm. Madam ki, dərsə də gecikmişik, növbə sənindir.
-Uff, Kənan, nə danışım e sənə? Hamının başına gələcək hadisə mənim də başıma gəldi.
-Hamının başına gəlir, amma fərqli olur. Sonra?
Beləcə Kənan çoxdan bəri Ələddindən öyrənmək istədiklərini, inkar eləsə də gözlərindən oxuduğu sevgisi haqqında bir-bir öyrənməyə başladı. Ələddin isə sevdiyi qızın-Leylanın Kənana qarşı hislərindən başqa hər şeyi ona danışdı.
Dərs başlayandan bəri heç cür özünü rahat apara bilməyən Kərəm gah İsmayılı söhbətə tutmaq istəyir, gah Tariellə danışır, gah da lövhədə dərs danışanlara mane olurdu. Zivər müəllimə