əllərini yana açdı.-Vaxtsız vaxtda peyda olmağın az deyil, hələ bir sənə görə mən cəhənnəmi də gördüm. O nəzarət kamerasında bir gecə sən qalsaydın, müəllim, təkcə mənə yox e, bütün dünyaya nifrət eləyərdin.
-Guya, niflətinin səbəbi budu? Özün də çox yaxşı bilisən ki, səni mən şikayət eləməmişəm. Amma sən nəyin davasını eləyisən, mən bilmiləm.
-Çox yaxşı bilirsən. Prosto özünü bilməməzliyə vurursan.
Bu səs-küyə digər siniflər də çıxmış, dəhliz müəllim və şagirdlərlə dolmuşdu. Səsə çıxan Nigar müəllimə yavaş-yavaş gəlib Kərəmə yaxınlaşdı və qolundan tutaraq sakitcə:
-Yaxşı, yeri deyil,-dedi,-gəl gedək, dərs qurtarsın, sonra davam eləyərsiniz.
Qolunu geri çəkən Kərəm:
-Lazım deyil, müəllimə,-dedi,-mən deyəcəyimi dedim.
-Olsun, onda get sinfinə, dərsdir, başqalarına mane olma.
Bu vaxt Zivər müəllimənin səsi eşidildi.
-Nigar xanım, o mənim dərsimə girməyəcək. Getsin, sinif rəhbərindən icazə alsın.
Sakitliyini pozmayan Nigar müəllimə üzünü dəhlizdəkilərə tutdu.
-Yaxşı, hamınız siniflərinizə qayıdın. Hələ zəngə var.
Dəhlizlər yavaş-yavaş boşalmağa, müəllim və şagirdlər siniflərə girməyə başladılar. Kərəm isə üzü pilləkənə doğru getməyə başladı. Nigar müəllimə onu saxlayaraq:
-Ay oğlan, dayan görüm.-dedi.
-Buyurun müəllimə.-deyə Kərəm ayaq saxlayıb geri döndü.
-Maşallah, görürəm, mədəni oğlana oxşayırsan. Sanki bayaq burada müəlliminlə dalaşan sən deyildin. Nə olub axı, niyə müəlliminlə dalaşırsan?
-Heç müəllimə, sizə aid deyil.
Nigar müəllimə gülümsündü.
-Mənə aid deyil? Mən bu məktəbin psixoloquyam və hər birinizin dərdi mənə aiddir.
-İnanmıram ki, siz mənim dərdimə çarə tapa biləsiniz.
-Dərdini söyləməyən, dərman tapmaz. Danışmaq istəyirsən?
-Yox, sağolun.-Kərəm getmək istədiyini bildirmək üçün bir-iki addım aralandı.
-Yaxşı, əgər nə vaxtsa fikrini dəyişsən, bax, mənim otağım oradadır. Çəkinmə, gəl.
-Lazım olsa, gələrəm. amma indi tək qalmaq istəyirəm.
Kərəm bunları deyib pilləkənləri aşağı düşməyə başladı.

Əli sinfə qayıdanda hamını