ı susğun, Zivər müəlliməni isə hirsli görüb duruxdu. Mehdidən nə olduğunu xəbər alsa da Mehdi tərs-tərs onlara baxan Zivər müəlliməni işarə eləyərək sonra deyəcəyini bildirdi. Lakin Ayanın məyus və əsəbi siması Əlinin gözündən yayınmamışdı. Dərsin sonuna qədər beynində suallar dolandı. Yəni, Zivər müəlliməni əsəiləşdirən Aayn idi? Dərhal da özü öz dediyini təkzib elədi. Dərs boyu bunu düşünən Əli Kərəmin yoxluğunun fərqinə də varmamışdı.
Tənəffüsdə dostarı Əliyə o olmadığı vaxtlarda olanları desələr də heç kim cəsarət eləyib Kərəmin Ayanla da dalaşdığını demədi. Bununla belə, Ayanın kefsiz və əsəbi siması onu narahat etməkdə idi. Buna görə də dəhlizdə durub pəncərəyə boylanan Ayana yaxınlaşdı. Onun baxdığı istiqamətə baxa-baxa:
-Kərəm yenə aləmi bir-birinə qatıb-deyə sözə başladı.
-Hə, o heç düzəlmədi. Elə danışırdı ki, elə bil hamının ona borcu var. Nəzarətdə yatandan sonra lap ağlını itirib. Görsəydin, Xəyal müəllimlə elə danışırdı ki.
-Bilmirsən, onun dərdi elə Xəyal müəllimdir də?
-Yox Əli, onun əsl dərdi başqasıdır, özün də bilirsən. Utanmır, hələ mənə də deyir ki, “sənə nə xalan qızının dərsini pozuram?”
-Başa düşmədim,-deyə Əli duruxdu,-o səninlə də dalaşıb ki?
-Yox, prosto Zivər müəllimə ilə dalaşanda özüm də bilmədən ona necə tərs-tərs baxmışamsa, onun xoşuna gəlməyib.
-Başqa nə dedi?
-Heç nə, nə deyə bilər ki?
-Bəs sonra hara getdi?
-Bilimrəm, yəqin aşağıda bir yerlərdədir.-araya çökən bir neçə saniyəlik sükutu elə Ayan pozdu.-Xeyir ola, Aygün müəllimə niyə çağırmışdı?
-Deyir ki, Novruz bayramı tədbirində iştirak elə. Mən də dedim ki, vaxtım yoxdur.-Əli gözlərini qıyıb azca düşündü, sonra gözucu Ayana baxıb,-Amma sonra Sevinc də çox yalvardı, nə olar, iştirak elə, deyə. Mən də dedim ki, baxaram.
-Mən də Sevinc də xahiş eləyibsə iştirak elə.
Ayanın səsindəki kinayəni duyan Əli daxili sevincini biruzə verməməyə çalışaraq:
-Hə, baxaram da.-dedi.
Bu vaxt sinfin qapısında görünən Asya Ayanı səslədi:
-Doroqoya, gəlirsən?
-Hə, Aska,