gəldim.-deyə Ayan ona tərəf getdi.
Onlar dəhlizboyu getməyə başladılar. Mehdi də onların arxasınca baxan Əliyə yaxınlaşıb zarafatyana:
-Doroqoy, gəlirsən?-dedi.
-Ə, siz necə adamsınız?-deyə Əli tərs-tərs ona baxdı.-Mən soruşanda deyirsiniz, Ayana heç nə olmayıb. Bəs Kərəmin onun üstünə qışqırdığını niyə demirsiniz?
-Pah, böyük şey olub?-deyə Mehdi ağzını büzdü.-guya, desəydik, neyləyəcəkdin, gedib Kərəmə kəllə atacaqdın?
-Guya atmayacağam?
-Ə, bəsdir, ə! Atacaqsan, nə olacaq? Ayan buna görə sənə aşiq olmayacaq ki.
Bir qədər düşünən Əli başını yelləyə-yelləyə Mehdiyə baxdı.
-Hə Mixaylo, axır ki, ömründə bir dəfə düz söz dedin.-dedi.
-Qoy onda ikincini də deyim. Zəng içəri vurulacaq və Qafar bizi içəri buraxmayacaq.
-Nə durmuşuq, gedək də.
Oğlanların təkidilə dərsə girən Kərəm bu dərsdə də Qafar müəllimlə dalaşıb dərsdən qovuldu. Kərəm artıq məktəblə olan bağlarının bir-bir qırıldığının fərqində idi, amma onu uçuruma sürükləyən kininə də qalib gələ bilmirdi. Geyinmə-soyunma otağına girib tez paltarını dəyişdi. Məktəbin foyesinə gəlib ona getməyə icazə vermədiyi üçün Xanım xala ilə də dalaşdı. Sözünün ağası olan Xanım xala onu çölə buraxmadı. Kərəmə əsəbi və peşman halda ora-bura vurnuxurdu ki, bu vaxt Xəyal müəllim orta pilləkəndə göründü. Bayaqkından fərqli olaraq Xəyal müəllim onu görsə də heç nə soruşmadı. Heç Kərəm də onu tərsləyəcək heç nə demədi. Bufetə tərəf getməyə başladı. Xəyal müəllim qapıçıya yaxınlaşaraq nə olduğunu xəbər aldı. O da dərsdən qovulduğu üçün evə getmək istədiyini dedi. Bunu eşitmək Xəyal müəllim üçün xoş olmadı. Bir qədər fikirləşib geri-yuxarı qayıtdı. Psixoloqun otağının qabağna çatanda dayanıb bir də fikriləşdi. Sonra qapını taqqıldatmağa başladı.
-Buyurun, qapı açıqdır.-deyə içəridən Nigar müəllimənin səsi gəldi.
-Bağışlayın, gəlmək ola?-deyə Xəyal müəllim qapını aralayıb içəri boylandı.
Onu görcək həyəcanlanan Nigar müəllimə birtəhər özünü ələ alıb:
-Əlbəttə olar, buyurun müəllim.-deyib ayağa qalxdı.
Xəyal müəllim