ə iki gündür, mənə qaşqabaq sallayıb gəzir.
-Nç, nç, nç, mama. Sevincin yanına gedirsən, mənə xəbər eləmirsən? Deməmişdim bir yerdə gedək?
Qızından bunu gözləməyən Nuridə xala təəccüblə ona baxdı.
-Buna bax e, bu da mənə minnət qoyur. Yolu tanımırsınız, Sevinc orada, siz burada?
-Qaqaş, axşama hazırlıqların yoxdur?
-Var idi, təxirə düşdü. Nədir ki?
-Deyirdim, bəlkə axşamüstü onun yanına gedək?
-Doğrudan?-deyə sevincdən Yusifin gözü dörd açıldı.-Gedək də.
-Axşamüstü Səlim səni aparmağa gəlməyəcək?-deyə Nuridə xala qızına baxdı.
-Eybi yox, deyərəm biraz gec gəlsin.
Əlindəkiləri masanın üstünə qoyan Yusif tez əlini cibinə atdı.
-Onda mən Sevincə xəbər eləyim.
-Bizə çay tök, sonra,-deyə Nuridə xala ciddi şəkildə dilləndi,-yoxsa, heç birinizi qoymayacam.
Sevinc çarpayısında yarıoturaq vəziyyətdə gündəliyini yazırdı. Birdən qapıya kiminsə yaxınlaşdığını hiss eləyib cəld çarpayının üstünə qoyduğu test blankını götürüb gündəliyi onun altında gizlətdi. İçəri girən anası qızını belə görüb danlamağa başladı:
-Sənə demədim, uzan yat? Halsızsan, dərsi sonra eləyərəsən.
Sevinc üzünü turşudaraq anasına baxdı.
-Nə qədər yatmaq olar? Bir həftədir, bu otaqdan çölə çıxmağa qoymursan.
-Nə qədər lazımdırsa, o qədər. Deyinmə,-deyib Xavər xala qızının qucağındakıları aldı,-ver bura!
Bu vaxt gündəliyi yerə düşdü. Sevinc nə edəcəyini bilmədi.Əyilib gündəliyi götürən Xavər xala qızına baxaraq başını buladı:
-Guya, dərs eləyirdin?
-Ürəyim sıxıldı, mən də bilmədim neyləyim,-Sevinc günahkar uşaqlartək dodaqlarını büzdü,-vallah başqa şey deyil.
Xavər xala bir qızına, bir də gündəliyə baxdı. Sevincin qorxudan ürəyi əsirdi. Çünki anasına dediyi kimi heç də ürəyi sıxıldığı
üçün gündəliyi əlinə almamışdı. Burada yazılanlardan az-çox xəbərdar olduğundan bu cavab Xavər xalanı qane etmədi.
-Deməli, ananla bölüşmək istəmədiklərini bura yazırsan, hə?
-Yoox, mən ora..-qəfil yaxalanan Sevinc nə deyəcəyini bilmirdi.
-Guya, mən bu dəftəri açsam, nə ilə qarşılaşacağımı