qızam, hə?
-Nə?-heç nə başa düşməyən Əli dönüb təəccüblə ona baxdı.-Allah eləməsin, niyə elə deyirsən?
-Bu gün sənin ad günündür, mən isə səni əməlli-başlı acılamışam. Təbrik eləyirəm, sadəcə bir şeyi arzulayram ki, bütün arzularına çatasan. Bir də heç dəyişmə. Çünki sən dünyanın ən yaxşı insanısan.
Əli yenə də göyün yeddinci qatında idi. Çünki indi o dünyanın ən xoşbəxt insanı idi.
Rus dili dərsinin sonuna dəqiqələr qalırdı. Dərs boyu həm Ayanın, həm də Əlinin təbəssümlü siması sinifdə hamının diqqətini çəkmiş, ən yaxınlarının xüsusi marağına səbəb olmuşdu. Hətta aralarında Əlinn Ayana ürəyini açdığını düşünənlər də var idi. Zivər müəllimə gələn dərsdə yoxlama yazı işi yazacaqlarını elan elədi. Onun bəziləri üçün xoş olmayan xəbəri yenə də bəzilərinin ağzını büzərək, üzünü turşutdu. Zivər müəllimə sağollaşaraq çıxmaq istəyirdi ki, qapıda Mirvari müəllimə ilə rastlaşdı. Salamlaşdılar. Zivər müəllimə çıxdıqdan sonra Mirvari müəllimə ayağa qalxan uşaqlara oturun işarəsini verərək üzünü qızlara tutdu.
-Qızlar, hamınız idmana! Mənim bu ağıllılara sözüm var.
Qızlı-oğlanlı hamı təəccüblə bir-birinə baxdı. Pıçapıçların başlandığını görən Mirvari müəlimə səsini qaldıraraq:
-Nə baxırsınız üzümə? Sizinlə deyiləm? Tez olun, yığışın!-dedi.
Çox keçmədi ki, qızlar bir-birilərinə dəyə-dəyə sinifdən çıxdılar. Mirvari müəllimə onların getdiyindən tam əmin olduqdan sonra keçib müəllim masasında oturdu. Çaşqınlıq içərisində ona baxan sinif oğlanlarına üzünü tutaraq:
-Hə, danışın görək, nə oyunlar çıxarırsınız?-deyə maraqla xəbər aldı.
-Nə oyunlar, müəllimə?-Yusif bir Əligilə, bir də Mirvari müəlliməyə baxdı.
-Onu mən sizdən soruşuram. Eşitdiyimə görə hər axşam qızlarınızı kütləvi şəkildə evə ötürürsünüz. Mən elə bilirdim, sinifdə bir-iki nəfərin başı xarab olub, sən demə, hamınızın başı eyni imiş. Sonra bu pıçapıçlar, dərsarası bir-birinizə göz-qaş eləmələr, nə xəbərdir?
Hamı susurdu. Heç kim qorxudan nə təsdiq, nə də inkar eləyə bilmirdi.
-Belə susacaqsınızsa mən