səndədir-deyə pıçıldadı.
Züleyxa sinfə qayıdanda artıq növbəti dərs başlamışdı. Onun etirazına baxmayaraq Xatirə müəllimə də onunla sinfə qədər gəlmiş, onu dərsə buraxması üçün Kəmalə müəllimədən icazə istəmişdi.
Züleyxanın baxışları ilə qarşılaşmamaq üçün Yusif gözlərini partadan ayırmırdı. İçində elədiyi hərəkətə görə peşman olsa da Yusif bunu üzdə biruzə verməməyə çalışırdı. Heç Züleyxa da ona tərəf baxmırdı. Hadisə baş verən vaxtı Əli ilə birgə Aygün müəllimənin yanında olan və olanları da qızlardan öyrənən Sevil təlaşla rəfiqəsinə baxır, mimikası ilə ona təsəlli verirdi.Birinci növbənin dərsi qurtarmışdı. Məktəbdən çıxan Xatirə müəllimə bir-iki ərzaq almaq üçün bazara getmək qərarına gəldi. Qayıdanda yolunu “Rayal”dan saldı. Burada demək olar ki, təmir tamamlanmışdı. Onun gəldiyini görən Əsmər sevincək Xəyal müəllimlə Rafiqin yanına qaçdı. Bu vaxt onlar rəfləri yerləşdirmək üçün ölçmə işləri aparırdılar.
-Görün kim gəlir?
-İndi hansı qonşudur?-deyə Rafiq arxaya dönmədən gülə-gülə soruşdu.
-Əşi, nə qonşu? Bir baxın da.
Qardaşlar dönüb arxaya baxdılar. Xəyal müəllimin üzünə təbəssüm qondu. Rafiq gülə-gülə:
-Ooo, bu gün gün haradan doğub, görəsən?-deyib qardaşına baxdı.
Xatirə müəllimə içəri girdi. Dükanın içinə göz gəzdirə-gəzdirə içəridəkiləri də salamladı.
-Xoş gəlmisiniz, müəllimə.-deyə Əsmər onun qabağına getdi.
-Xoş gördük, necəsiniz?
-Sizi gördük, lap yaxşı olduq.
-Maşallah, təmir qurtarır deyəsən.
-Az qalıb, inşallah birinci gün təzədən açırıq.-deyə Rafiq dilləndi.
-İnşallah, bəs ustalar hanı?-Xatirə müəllimə ətrafa boylandı.
-Onları obedə göndərmişik.
-Hə, lap yaxşı. Mən də bazar tərəfə gəlmişdim, dedim sizə də baş çəkim.
-Yaxşı eləmisiniz.-deyə Əsmər yenidən dilləndi.
Dillənə bilməyən bircə Xəyal müəllim idi ki, o da bayaqdan əlindəki metrəni açıb bağlayırdı. Buna dözməyən metrə yerə düşüb “danqqq”deyə səs çıxardı. Hamı dik atıldı.
-Nə olub, yaxşısan?-deyə Xatirə müəllimə təəccüblə soruşdu.
Əyilib yerdəki metrəni götürən Xəyal