-Bilirəm nə soruşacaqsan. Narahat olma, dostun lap əladır.-dedi və sonra əsnəməyə başladı.-Amma bizi yatmağa qoymayıb. Səhərə qədər Se...-az qalsın Sevinc deyə zarıyıb deyəcəkdi, sonra birtəhər düşünərək,-renada oxuyub, yəni zarıyıb.-dedi. -Bəs yaxşı idi?-deyə Ayan təəccüblə ona baxdı. -O boyda maşına kəllə vuran adam üçün bu yaxşı yox, əladır. Ağrıları olmalıdır da. Elə bu vaxt İsmayılla dal-qabaq sinfə girən Mehdi Əlini görcək Yusifin başına gələnləri ona demədiyinə görə onu danlamağa başladı. mehdi ilə danışa-danışa Əli də qızlardan aralanıb yerinə keçdi. Bir-birinin ardınca sinfə girən uşaqlar da bu xəbəri eşidir və təəccüblənirdilər. bu xəbər Züleyxaya tamam ayrı cür təsir eləmişdi. Yusifə hirsli olsa da onun başına gələnlərdə özünü günahlandırırdı. Xüsusilə Mehdinin ona baxaraq kinayə ilə “Yusif bir nəfərin ahı tutdu.”deməsindən sonra özünü daha da pis hiss eləməyə başladı. Xəyal müəllimin gəlişi ilə dərs başlamışdı. Onun əsəbi və dalğın siması şagirdlərin də diqqətindən yayınmadı. Yusifin başına gələnləri eşidib məyus olan Xəyal müəllim Kərəmin yoxluğuna biraz da əsəbləşdi. Artıq ilk dərsdən on beş-iyirmi dəqiqə keçmişdi. Söz verdiyi kimi Nigar müəllimə balaca Ülkərin problemi ilə maraqlanmaq üçün onun sinfinə doğru yol almışdı. Bu vaxt dəhlizdə Kərəmlə qarşılaşdı. Onu görcək Kərəm nə edəcəyini bilmədi. -Kərəm, sən yenə də dərsə girməmisən? Nigar müəllimənin bu sualına Kərəm susaraq cavab verdi. -Nə eləməyə çalışırsan, Kərəm? elə bilirsən ki, müəllimlərinə acıq eləyirsən, amma özündən başqa heç kimə zian eləmirsən. Deyək ki, bu il onların dərsinə girmədin, canını bu il onlardan qurtara bildin. Bəs gələn il? Sinifdə qalacaqsan və gələn il yenə də eyni müəllimlərin dərsinə girnməli olacaqsan. Həə, hələ gör onlar səni öz dərslərinə buraxacaqlarmı? Bəs sonra nə olacaq? Kərəm daha qulaq asmaq istəməyib ondan aralanmaq istədi. lakin psixoloq onun qolundan tutaraq:
-Hara qaçırsan?-dedi.
-Hara qədər qaçacaqsan?dərdini de ki, biz də çarə tapaq. Kərəm susurdu.