r yanıma, bir söz deyəcəm.
Xatirə müəllimə maraqla ona baxa-baxa divanda onunla yanaşı oturdu.
-Bax, mənim bir iş yoldaşım var, onun da bir oğlu var...
-Xala!-söhbətin nədən getdiyini başa düşən Xatirə müəllimə etirazla yana atıldı
-O dəqiqə xala, deyib kəsib atma, qulaq as. Keçən dəfə sən biraz soyuqlamışdın, mən də səni özümlə poliklinikaya aparmışdım e, bax, onda yolda bir qadınla rastlaşdıq, onun səndən çox xoşu gəlibmiş. Neçə vaxtdır, eşitdirirdi, amma bu gün açıq dedi.
-Xala, axı mən sənə demişəm, mən belə şeylərə qarşıyam.-Xatirə müəllimə narazı şəkildə dodaqlarını büzdü.
-Qarşıyam, qarşıyam!-Dilşad xala biraz əsəbi tərzdə onun ağzını yamsıladı.-Nə qədər qarşı olacaqsan? Keçən dəfə də razılaşmadın, Akifin dayısı qızının eltisinin qabağında üzüqara qaldım.
-Anam eşitsə razılaşmayacaq.
-Pah, bunun gətirdiyi bəhanəyə bax. Anan səni mənə tapşırıb, narahat olma. Sənə demirəm ki, elə mütləq o oğlanla evlən, prosto elə-belə bir dəfə gör, xoşun gəlməsə, de ki, xoşum gəlmədi. mən də Qətibəyə deyərəm ki, qızın oğlandan xoşu gəmədi.
-Xala, elə olmaz ki, bu başdan deyəsən ki, qız istəmir?
-Olmaz, mən camaata söz vermişəm.
-Məndən soruşmamış?
-Soruşdum da. Bax, gözəl qızım, səni öz qızlarımdan ayırmıram, bilirsən. Demək olar ki, qucağımda böyümüsən. İndi xalanın sözünü yerə salacaqsan?
Çarəsi qalmayan Xatirə müəllimə razılaşmağa məcbur oldu.
-Yaxşı xala, sən deyən olsun. Amma bax, birinci və axırıncı dəfə. Xoşum gəlməsə, məcbur eləməyəcəksən.
-Elə şey olar? Mən o qədər də köhnə fikirli deyiləm. Sən prosto oğlanı bir dəfə gör. Amma vallah xoşuna gələcək, şəklini görmüşəm, yaraşıqlı oğlandır.
-Xala, bax, şərtimizi pozursan, ha!
-Yaxşı, yaxşı, mən susdum. Sabah özün görərsən, özün də qərar verərdən.
-Nə, sabah? Sabah hazırlıqlarım var.
-Bəs nə vaxt? Sənin hazırlıqların hər gün var da. Olmaz ki, günorta birini təxirə salıb başqa vaxta keçirəsən?
-Yaxşı, baxaram.
-Nə isə, gecdir, mən gedim.-Dilşad xala bunu deyib ayağa durdu.-Axşama yeməyin var, yoxsa