mən göndərim?
-Yox, yox, narahat olma, xala, yeməyim hazırdır.-deyib Xatirə müəllimə də ayağa qalxdı.
-Lap yaxşı, qapını möhkəm ört, bizdən başqa heç kimə açma.
Xatirə müəllimə xalasını yola salıb düşünməyə başladı. O, xalasının xasiyyətinə bələd idi. Bilirdi ki, xalası nə yolla olursa olsun, onu razı salmağa çalışacaq, hətta anasınada xəbər verib onu da qızını razılaşdırmağa çalışacaqdı. Bu vəziyyətdə onun sadəcə bir yolu qalırdı. Sabah tanış olacağı oğlanla danışıb belə bir evliliyə razı olmadığını demək.
Qapı bərk-bərk döyülməyə, zəng dayanmadan çalınmağa başladı. Televizoru söndürüb pultu divanın üstünə atan Əli tələsik qapıya tərəf gəldi. Gözlükdən baxmadan qapını açdı. Qardaşını üz-gözü, üst-başı qan içində görüb qorxuya düşdü.
-Hüseyn, qaqa, nə olub sənə? Dalaşmısan, kim vurub səni?
Hüseyn səndələyə-səndələyə içəri girdi. Güclə eşidiləcək səslə:
-Qorxma, qorxma,-dedi,-dalaşmışam.
-Kiminlə?
-Sual vermə, məni otağa apar.-Hüseyn gözlərini yumub divardan tutdu.
Əli daha heç nə soruşmayıb qardaşının qoluna girərək onu içəri apardı, divanın yastıqçalarını rahatlayıb onu birtəhər divana uzatdı.Sonra yaralarını təmizləmək üçün su, pambıq, yod-nə lazımdırsa, hamısını hazır edib qardaşının üz-gözünü təmizlədi. Bir müddət sonra gələn Hüseyn dikəlibevə boylandı:
-Mama hanı? Evdə yoxdur?
-Smendədir, gecə smendə olacaq. Sən danış görüm, səni kim bəzəyib belə?
-Kim olacaq, Gülnarın qardaşı ilə xalası oğlanları.
-Can ay Kənan, sən tək deyilmişsən. Bu nə qardaş bəlasıdır, biz düşmüşük?-Əli qardaşını lağa qoyaraq gülməyə başladı.
-Kənan kimdir? Sən onun qardaşının adını haradan bilirsən?
-Mən demədim ki, onun qardaşının adını bilirəm. Kənan mənim sinif yoldaşımdır. Onun da istədiyi qızın qardaşı gündə onu belə bəzəyib göndərir.
-Gül, gül, sənin qabağına qardaş çıxmayıb axı.
-Çox şükür, mənim istədiyim qızın qardaşı məni döyəcək yaşda deyil, hələ dıqqılıdır. Həm də o mənim xətrimi çox istəyir, elə mən də. Prosto, siz münasibətləri düzgün qurmağı