heyrətlə gözlərini dörd açdı:
-Yoxsa bu qız o qızdır?-deyə dostuna baxdı.
Xəyal müəllim cavab verməsə də baxışları ilə təsdiqlədi.
-İnanmıram! Bağışla, vallah bilmirdim! Həm də mən bura sadəcə mamamın ürəyi sakitləşin deyə gəlmişəm. Özün də bilirsən ki, istədiyim qız var.
-Yaxşı, başa düşdüm. Sadəcə sizi göləndə nə düşünəcəyimi bilmədim.
-Heç nə düşünmə. Götür qızı da get, söhbət eləyərsiniz.-Ayaz dostuna göz vurdu.-Mən isə aparım Qətibə xanımı evə qoyum, qayıdım.-sonra eyni təbəssümlə barmağını silkələyərək-Amma axşam mənə hər şeyi bir-bir danışacaqsan, ha!-dedi.
-Yaxşı, təki sən istə.
Ayaz üzünü yenidən Xatirə müəlliməyə tutdu.
-Tanış olduğumuza şadam.Amma sizin tanış olduğunuzu bilmirdim. Az qala, səhvən yumruq yemişdim. . -Yox, nə yumruq? Biz iş yoldaşıyıq.-Xatirə müəllimə təəccüblə bir Xəyal müəllimə, bir də Ayaza baxdı.
-Nə isə, hələlik.-Ayaz daha çox danışmağın mənasız olduğunu görüb sağollaşıb onlardan aralandı.
-Sən ona nə dedin?-deyə Xatirə müəllimə maraqla həmkarına baxdı.
-Heç nə.-deyə Xəyal müəllim özünü o yerlərə qoymadı.
-Vuracaqdın dostunu?
-Yox, plosto xəbəldalıq elədim ki, bi də sənə yaxınlaşmasın.
-Xəyal, niyə belə eləyirsən?
-Niyə elədiyimi özün bilisən. Çünki səni...səni seviləm.
Bu gözlədiyi, amma bu an üçün gözlənilməz etirafdan həyəcanlanan Xatirə müəllimə əvvəlcə narahat halda yerində qurdalandı, sonra ondan aralanmağa başladı. Lakin Xəyal müəllimin onu tək buraxmaq fikri yox idi. Özünü ona çatdıraraq:
-Maşallah, Koloğlunun dəliləlitək sənin də elçiləlinin sayı-hesabı yoxdu.-dedi.
-Nədir, paxıllıq eləyirəsn?
-Yox, qısqanılam.
-Xəyal, axı biz belə danışmamışdıq.-Xatirə müəllimə ayaq saxlayıb bezgin halda ona baxdı.
-Nədi, bu da olmaz? Sənin inamını qazanmaq üçün bi qılaqda mumya kimi dayanmalıyam? Səni qoluduğumu, qısqandığımı, sevdiyimi göstəlməməliyəm?
Xatirə müəllimə onun dedikəri qarşısında nə deyəcəyini bilmədi. Qarşısında onu həqiqətən də sevən, etibar edə biləcəyi biri var idi. Ağlı “O çox yaxşı insandır, ona