daha təsirli olur.
-Düzdür,-deyə Nuray onun sözünü təsdiqlədi,-nə olsun ki, Əli illərdir ona ürəyini açmaq üçün çırpınırdı, Ayan bunu bir göz qırpımında elədi.
-Bütün qızlar Ayan kimi olsa idi, nə var idi ki...-İsmayıl bir gözü Sevildə kinayə ilə dilləndi.
Sözün ona ünvanlandığını başa düşən Sevil sadəcə ah çəkərək reaksiya verə bildi.
Əməliyyat otağının qapısı açıldı. Ortayaşlı bir qadının ağır addmlarla çölə çıxdığını görən Əligil tez ayaqlanıb dörd gözlə onun ağzından nə çıxacağını gözləyirdilər.
-Həkim, bacım necədir?-deyə Xatirə müəllim irəli atıldı.
-Çox qan itirib. Daxili orqanları da zədələnib. Biz əlimizdən gələni edirik. Qanaxmanı kəsmişik, əlimizdə olan qanı vururuq, amma yenə qan lazım olacaq.
-Neçənci qrup?-Əli təlaşla soruşdu.-İki, iki? Məndə ikidir.
-Yox, 0RH+, yəni birinci qrup. Mümkünsə tez tapın.
-Həkim, həyati təhlükəsi va? Xəyal müəllimin bu sualına həkim sadəcə başını yelləməklə cavab verdi və yenidən əməliyyat otağına qayıtdı. Təlaşla əlini cibinə atıb telefonunu axtaran Əlinin yadına sonra telefonunun məktəbdə, gödəkçəsinin cibində qaldığı düşdü.
-Haradan tapaq birinci qrupu? Niyə mənim qanım birinciqrup deyil?-Xatirə müəllimə dəli kimi əllərini ölçə-ölçə ortalıqda gəzişməyə başladı.-Xəyal, səndə hansı qrupdur?
-Bildi, amma mənfidi. Müsbətə mənfi getmi.-Xəyal müəllim telefonu cibindən çıxara-çıxara dedi,-sən keç otu bulada, mən indi qan tapacam.-zəng tarixçəsindən sonuncu zəngi tapıb-Göləsən, Yusifgili getdilə?-deyə öz-özünə dilləndi.
-Zəng elə də. Bəlkə getməyiblər?

Xəyal müəllim nömrəni yığaraq telefonu qulağına qoydu. İki çağırış zəngindən sonra Yusif telefonu götürdü.
-Bəli, müəllim?
-Yusif, haladasınız?
-Xəstəxananın həyətində.
-Qan lazımdı, müsbət bilinci qlup. Sənin ya yoldaşlalının qanı uyğun gəlirsə, tez yuxalı gəlin.
-Mənim qanım uyğun gəlir. Gəlirəm indi.-deyib Yusif telefonu söndürdü.
-Qan lazımdır?-deyə Mehdi soruşdu.
-Hə, birinci qrup müsbət. Mən çıxıram, siz burada gözləyin.
-Mən də birinci qrupam,