sabah yenə gələrsən bacını görməyə. Bacı hələ özünə gəlməyib, sabah oyanacaq. Tərslik eləmə.
-Evə getsəm, ürəyim burada qalacaq axı.
-Caan, ürəyinə qurban,-Xatirə müəllimə onun boynunu qucaqladı,-onda ürəyini qoy, get. Amma əsas odur, başın dincəlsin. Yaxşı?
Ramin başını yelləyərək razılaşdığını bildirdi.
-Bəs sən gəlmisən?-deyə Xəyal müəllim narahat halda soruşdu.
-Yox, xalam birbaşa bura gələcək. Ona görə də bu gecə burada qalmalıyam.
-Gec gələl?
-Təyyarə dprd-beş saata gəlir, o da hələ kənddən çıxmayıb. Haradasa gecə üçə-beşə çatar.
-Yaxşı onda, mən də apalım uşaqlalı evə qoyum.-deyə Xəyal müəllim düşüncəli halda söykəndiyi yerdən dikələrək dedi.
-Ramin, get bacıya de, hazırlaşsın.
Ramini Reyhanın yanına göndərən Xatirə müəllimə həmkarına baxıb məyus halda:
-Bağışla,-dedi,-səni də bu gün əməlli-başlı taksiyə çevirdik. Borcunu necə ödəyəcəm, bilmirəm.
-O nə sözdü? Nə bolc? Mən sənin yanında olmaq üçün buldayam. Təki Ayan da tezliklə özünə gəlib ayağa qalxsın. Qalanı boş şeydi.
Günün yorğunluğu çiyinlərində olan Yusif ayaqlarını sürüyə-sürüyə hazırlıqda olduğu binanın blokundan çıxırdı ki, birdən kiminsə onu səslədiyini eşidib geri döndü.
-Yusif, dayan bir dəqiqə.
Səsindən tanıdı, Ceyran idi. Geri dönən Yusif :
-Nədir?-deyə cavab verdi.
Ceyran özünü ona ayetirə-yetirə:
-Sənə bir söz demək istəyirəm.-dedi.
Yusif üzünü turşudaraq:
-Bilirəm də nə deyəcəksən.-dedi.-Eyni şeyləri təkrarlamayaq da nə olar, onsuz da yorğunam.
-Yox, yox, onlar öz yerində. Amma mən başqa şey demək istəyirəm.
Onlar blokdan çıxıb yola düzəldilər. Ceyran bir an durub Yuisfə baxdı.
-Tələsmirsən? Sevincin arxasınca getməyəcəksən?
-Yox e, nə Sevinc? Sevinc üzümə baxmır. Mesaj yazmışdı ki, qabağıma gəlmə, atam gələcək.
-Lap yaxşı, onda rahat söhbət eləyərik.
-Vaay, belə sekretnidir? Bax ha, sevgi etirafı qəbul eləyəsi halda deyiləm.
-Yusif!
-Yaxşı, yaxşı, zarafat elədim. De görüm, nə olub?
-Mən əslində bunu çoxdan fikirləşirdim. Bu gün sizin məktəbdə olanları