eləyim. Necəsən?
-Belə də, biraz ağrıyıram.
-Keçəcək, o ağrılar da keçəcək.-Xatirə müəllimə ona yaxınlaşıb saçlarını oxşadı.
Bu vaxt telefonu zəng çalmağa başladı. Zəng səsi digər otaqdan gəlirdi. Yataq otağından çıxan Xatirə müəllimə qonaq otağına keçib telefonu götürdü. Zəng edən Əli idi. Öz-özünə təəccüblənib zəngə cavab verdi. O telefonla danışan ara Ayan otaqdan çıxıb qonaq otağına sarı gəlmiş, otağın qapısına söykənib xalası qızına baxırdı. Əli ilə danışıb telefonu söndürən Xatirə müəllimə Ayanın maraqla ona baxdığını görüb:
-ee...şşey..Əli idi, bu gün dərsə gələ bilməyəcək. Qardaşının tələbi bileti yadından çıxıb evdə qalıb, o da bileti ora aparır, ADNA-ya. Keçən dəfə ona tapşırdığım bir test var idi, deyir çıxmışkən onu da alım. Onun adını soruşurdu.-dedi.
Ayan onsuz da Əlinin adını eşitdiyi üçün otaqdan çıxıb bura gəlmişdi. Onu maraqlandıran başqa şey idi.
-O hazırlıqlara da gəlmir?-deyə üz ifadəsini dəyişmədən soruşdu.
-Yox.-deyə Xatirə müəllimə divanın örtüyünü düzəldirmiş kimi gözlərini qaçıraraq cavab verdi.
Ayan daha heç nə soruşmayıb otağa qayıtdı.
Məktəbdə artıq birinci dərs başa çatmışdı. Əlinin yenə dərsə gəlmədiyini görən dostları onun üçün narahat olmağa başladılar. Yusif yenə də əlində telefon o tərəf-bu tərəfə gedib gəlirdi.
-Nə oldu, cavab vermir?-deyə Kənan soruşdu.
-Heç zəng eləmişəm ki. Bilirəm ki, zəng eləsəm də açmayacaq.
-Dayan, mən yığım.-deyə Kənan ətrafa boylana-boylana telefonu cibindən çıxardı. Kontaktlardan Əli tapıb zəng elədi. Təəccüblə dodaqlarını büzərək-Adboy gedir.-dedi. Elə bu vaxt Yusifin gözü arxada telefonla danışan İsmayıla sataşdı.
-Bəlkə smayliklə danışır?-deyə Kənana İsmayılı göstərdi.
-Ola bilər.-deyə Kənan telefonu cibinə qaytardı.
Onlar İsmayıla yaxınlaşdılar. İsmayıl Əli ilə danışdığını təsdiqlədi və Əlinin qardaşının universitetinə ona tələbə biletini vermək üçün getdiyini, bəlkə bu gün dərsə çata bilməyəcəyini dedi.
Zəng üçüncü dərs üçün içəri vurulmuşdu. Yusifin hələ də çöldə olduğunu fürsət