u qulağına qoydu.-Bəli?
Danışdıqca rəngi tutulur, gözləri bərəlirdi. Qızlar isə işlərini bir yana qoyub təlaşla ona baxırdılar. Yusif telefonu söndürüb cəld yerindən qalxdı.
-Yusif, nə olub?-deyə Züleyxa soruşdu.
Hissiyatsız şəkildə başını bulayan Yusif:
-Bilimirəm, amma yaxşı şeylər olmayıb.-dedi.-Heç də yaxşı şeylər olmayıb.-cəld arxaya-oğlanların yanına getdi.
Qızlar isə heç nə anlamamıştək bir-birilərinə baxırdılar. Sevinc təlaşla qızlara baxıb:
-Məleykə xala Əlinin anası deyil?-deyə soruşdu.-Aman Allahım, yoxsa Əliyə nəsə olub?-deyə əlini ağzına apardı.
Züleyxa ilə Asya qulaqlarını çəkib partaya vurdular.
Yusif telefonda eşitdiklərini İsmayılgilə çatdırmışdı. Mehdi inanmadığını bildirmək üçün:
Bəlkə sən səhv eşitmisən? Bizdə terror ola bilməz e, bura İraq zaddır?-deyirdi.
-Mixaylo, sizinlə zarafatım var? Məleykə xala telefonda ağlayırdı. Deyir, televizordan eşidib, sonra durub Əligilə zəng eləyib. Nə Əliyə zəng çatıb, nə də Hüseynə.
-Əli də ora getməyə vaxt tapdı-İsmayıl narahat halda əlini partasına vurdu.
Bir dəqiqənin içində xəbər bütün sinfə yayılmışdı. Leyla təlaşla o tərəf-bu tərəfə gedirdi. Oğlanların yanında olan Ələddin uzaqdan onu belə görüb yaxınlaşdı:
-Nə olub?-deyə soruşdu.
-Bacım da AZİ-də oxuyur. Ona görə narahatam.
Bu vaxt çöldən gələn Kənan sinifdəkiləri təlaşlı görüb Leyla ilə Ələddindən:
-Nə olub burada?-deyə soruşdu.
-AZİ-də terror olub.-Ələddin dilləndi.-Əli də bu gün ora gedibmiş. İndi də zəng çatmır.
-Yaxşı da?-deyə Kənan da narahat olmağa başladı.
-Kənan, teleofunun yanındadır? Bacım orada oxuyur, onun üçün narahatam.-deyə Leyla yalvarış dolu baxışlarla ona baxdı.
Kənan əvvəl telefonu ona vermək istəsə də Ələddinin ciblərini gəzdiyini görüb:
-Konturum yoxdur e.-deyə təəssüflə üzünü turşutdu. Sonra Ələddini işarə edib –Sən yaxşısı budur, çıraqdan soruş.-dedi.
Leyla əlacsız şəkildə arxaya döndü. Ələddin əlindəki telefonu ona uzadıb:
-Buyur, zəng elə.-dedi.
Razılıq eləyən Leyla telefonu ondan alıb oradan biraz