a pis təsir göstərirdi. Olanları az-çox qonşulardan eşidən Xalidə xala saat on iki olar-olmaz iş-gücünü bir kənara atıb qızları ilə bərabər ekran qarşısına keçdi. Xəbərlər başlayan kimi aparıcı bu gün Neft Akademisyasında olan terror hadisəsini anons etdi və ardınca hadisə yerindən hazırlanan görüntülər efirə verildi. Göstərilənlər canalıcı idi. Ən soyuqqanlı insan belə bunlara həyəcansız və göz aşı axıtmadan baxa bilməzdi. Sevda da özünü saxlaya bilməyib ağlamağa başladı. Xalidə xala qızını sakitləşdirməyə çalışır, özü də ağlayırdı. Göz yaşlarını içində boğan bircə Sevil idi ki, o da addım-addım geri gedib otağına girdi. Çox keçmədi ki, xəbərlər qurtardı. Sevilin ortalıqda görünmədiyini görən Xalidə xala ilə Sevda televizoru söndürüb otaqları, çölü axtarmağa başladılar. Bacısı ilə öz otağının qapısını açıb içəri girən Sevda gözlərinə inana bilmədi. Sevil çarpayısının kənarında yıxılıb qalmış, əlindəki dərman həbləri yerə dağılmışdı.
-Seviiil!-deyə qışqıran Sevda yaxınlaşaraq bacısını yerdən qaldırmağa, yanaqlarına vurmağa başladı.
Səsə gələn Xalidə xala da qızını belə görüb dəli oldu. Qışqırmağa, ağlamağa başladı. Ana ilə qız o dərəcədə başlarını itirmişdilər ki, təcili yardım çağırmaq ağıllarına belə gəlməmişdi.
Ayan yerində qurdalanır, tez-tez təlaş və narahatlıq dolu nəzərlərlə saata baxırdı. Saat artıq birə yaxınlaşırdı, amma Xatirə müəllimədən bir xəbər yox idi. Çünki o, evdən çıxanda Ayana Əli ilə bağlı nəsə öyrənib xəbər verəcəyinə dair söz vermişdi. Bu vaxt Reyhan otağın qapısında göründü:
-Mama çağırıb, mən aşağı düşürəm. Qapını arxadan bağlayacam. Sən yaxşısı budur, biraz yat.
-Yaxşı, yatıram,-deyə Ayan başını yellədi,-sən get.
Heç beş-on saniyə keçmədi ki, çöl qapını açan Reyhanın səsi eşidildi.
-Ayan, qonaqların gəlib.
-Kimdir?-deyə Ayan təəccüblə uzandığı yerdən dikəldi.
Bu vaxt qapıda görünən Sevinclə Asya çəkinə-çəkinə Ayana baxırdılar.
-Bizi yenə də qovacaqsan? Bax, bu dəfə qovsan da getməyəcəyik.
-Da, qapıdan qovsan, krışadan