ə düşdü,-onsuz da qızın gözünün göyü hələ getməyib.
-Nə?-deyə çaşqınlıqla Nigara baxan Kənan Zərifənin əlini üzündən aralayaraq,-Baxım,-dedi. Həqiqətən də onun sol gözünün almacıq sümüyünün üstündə solmuş göylük var idi. Dişini-dişinə sıxan Kənan-Qardaşın eləyib?-deyə soruşdu.
-Sənə nə?-Zərifə qolunu ondan çəkib geri atıldı.
-Düzünü de, qardaşın eləyib?
-Sənə nə e, sənə nə?
-Yox Kənan, qardaşı eləməyib. Dünən sinifdə qapıya dəyib.-bunların dalaşacağını görən Nigar tez söhbətə qarışdı.-İndi buna görə dalaşmayın. Zərifənin gözü şişəcək, soyuq bir şey lazımdır.
Ciblərini gəzən Kənan qardaşına qarşıdakı dükanı işarə eləyib:
-Get, bir butulka soyuq su al.-dedi.
-Buna bax e, mənim gözüm bayaqdan şişib, heç su yadına düşmür.-deyə dodağının altında mızıldanan Sənan qardaşına baxıb-Lazım deyil, məndə pul var.-deyib aralanmaq istədi.
-Sənan, heç yerə getmə,-lakin Zərifə onun arxasınca səsləndi,-heç nə lazım deyil.- Əvvəl tərs-tərs Kənana baxdı, sonra üzünü Nigara tutub,-Gedək, Nigar.-deyə onun qolundan dartdı.
Kənan qərarlı idi. Onun qabağını kəsərək:
-Heyyy, hara? Bilmədən gözünə vurmuşam, indi də icazə ver, əvəzini ödəyim.-dedi.
-Lazım deyil.-Zərifə bu dəfə getmək istədiyini bildirmək üçün əli ilə onu yana itələdi.
-Lazımdır.-Kənan əl çəkmək istəmirdi.-Mən sənin qardaşın kimi deyiləm. Elədiyim işin də, verdiyim sözün də arxasında dururam.
Yalnız bu sözdən sonra onun üzünə baxan Kənan acı təbəssümlə:
-Düz deyirsən, sən mənim qardaşım kimi deyilsən.-dedi.-Sən vabşe qardaşım da deyilsən. Mən də sənin bacın deyiləm ki, məni belə qorumağa çalışırsan.
-Başa düşmədim, bu nə deməkdir?
Zərifə ağzını açmağa macal tapmamış beş-on addım aralıdan Qadirin səsi eşidildi.
-Nə olub ə, orada? Zərifə, cəhənnəm ol, bu yana!
Qardaşını görən Zərifə geri atıldı. Qorxudan rəngi ağappaq olmuşdu. Nigar da qorxaraq bir-iki addım geri çəkildi. Qızların qorxduğunu görən Kənan özünü qabağa verdi. Qadir artıq onlara yaxınlaşmışdı. O, ikrahla Kənanı süzüb:
-Ə küçük, sənə deməmişəm,