səbirsizliklə gözləyən müəllimlərin, sinif yoldaşların var.
-Heç kim gözləməsin. Çünki mən gözləyəndə heç kim gəlmədi.
Ayan bunu deyib geri qayıtmaq istədi. Xatirə müəllimə onun heç kim deyəndə əslində kimi nəzərdə tutduğunu bilirdi. Ona görə də onun çiyinlərindən tutaraq geri qaytardı:
-Heç kimi heç kimlərlə qarışdırma. Sən bu məktəbə səni gözləyənlər üçün gəlirsən. Bir də səni gözləyən gələcəyin üçün. Xəyalını qurduğun Dillər Universiteti üçün.
-Düz deyirsən. Heç kim mənim arzularımdan, xəyallarımdan artıq deyil.
Özünü toplayan Ayan qərarlı şəkildə başını dik tutaraq dolan gözlərini sildi. Xatirə müəllimə Ayanı düzgün motivasiya edib razı saldığı üçün sevinirdi. Lakin o özü də son bir ayın Ayan üçün asan keçməyəcəyini bilirdi.
Sinfə gülə-gülə girən dostları ilə həmişəkindən fərqli tərzdə, şən salamlaşması Leylanın gözündən yayınmırdı. Bu onun da əhvalını açırdı. Amma digər tərəfdən də onu xoşbəxt eləyən qıza, Zərifəyə paxıllığı tuturdu. Kənanın şən əhval-ruhiyyəsi Mehdinin də gözündən yayınmadı. Keçib Kənanla üzbəüz partada-Zamanın yerində oturub yüksək səslə:
-Ay Allah, ölmədim bu günü də gördüm. Kənanın üzü gülür.-dedi.-Xeyirdirmi?
-Xeyirdir, gözün dəyməsə xeyir olacaq.-deyə Kənan üz ifadəsini dəyişmədən dilləndi.
-Tfu, tfu, Allah pis gözdən qorusun.-Mehdi qulağını çəkib partaya vurdu.-Axır vaxtlar yaxşısan. Deyirəm axır ki, hər şey yerini tapdı. Görürsən, dalaşıb deyə Sənanı danlayırdın, amma axırda hər şey sənin xeyrinə oldu.
-Demə e, heç ağlıma gəlməzdi. Həmin vaxt Qadir deyəndə ki, “...özün mənə deyirdin bacınla yaxşı davran, ona bir də yaxınlaşmayacam.” Onda Zərifənin üzünü görərdin. Şoka düşmüşdü. Srağagün də ona hər şeyi danışmışam. -Yaxşı e Kənan, kefini pozmaq kimi olmasın.-Mehdi çəkinə-çəkinə ona baxdı.-Barışmısınız, bu öz yerində. Bəs Qadir deməyib bacıma yaxın durma? Qulağına çatsa necə olacaq?
-Birincisi, bunu Qadir həmişə deyir, ikincisi də ki, daha mənə maraqlı deyil. Əsas odur, Zərifə hər şeyi bilir və yanımdadır. Başqa şeylər