, özümü biraz yaxşı hiss eləmirəm.
-Hmm, deyək ki, mən sənin özünü niyə yaxşı hiss eləmədiyini də, dərsdən niyə qaldığının da səbəbini bilirəm. Bəs sən bu gün iki dənə yoxlama yazacağınızı bilirsən?
-Müəllimə, mən bu gün gələ bilməyəcəm.
-Mən də bilirəm gələ bilməyəcəksən, elə ona görə zəng vurmuşam. Bilirəm, başına gələnlər heç də asan şeylər deyil. Amma bu o demək deyil ki, ondan qaçmalısan.
-Yox müəllimə, mən ondan qaçmıram. Prosto onu görməyə hazır deyiləm.
-Amma buna görə sən məktəb həyatını da bada verə bilməzsən. Həyatdır, bəlkə bu gün sənə uzaq olan, qarşılaşmaq istəmədiyin sabah sənin yanında olacaq? Bəlkə hər şey sənin arzuladığın da gözəl olacaq? Amma sən onda yenə də heyfslənməli olacaqsan. Çünki nə əlində sənətin olacaq, nə də onu gözəl həyatla təmin eləyəcək imkanın. Heç bunları fikirləşmisən?-Əli susurdu. Bilirdi ki, Nigar müəllimə bunları onu yola gətirmək üçün deyir.-Hə, Əli? həyatının bundan sonrakı hissəsini mübarizə ilə davam eləyəcəksən, ya məğlubiyyətlə?-Əli yenə susurdu.-Heyf, sənin üçün canını verən qızı məyus edəcəksən.
-Gəlirəm, müəllimə. Yarım saata məktəbdəyəm.
-Afərin, səndən də elə bunu gözləyirdim.
Çətin də olsa Nigar müəllimə Əlini yola gətirə bilmişdi. Əli telefonu yana atıb qərarlı şəkildə yerindən qalxdı. Nigar müəllimə haqlı idi. Əli indi bu günü üçün yox, gələcəyi üçün mübarizə aparmalı idi. Onun gələcəyində isə sadəcə Ayan olacaqdı.
Tənəffüs idi. Növbəti dərsdən çıxıb müəllimlər otağına doğru gedən Xatirə müəllimə pillələri enən Xəyal müəllimi görüb ayaq saxladı. Xəyal müəllim də onu görüb addımlarını yeyinlətdi. Gəlib ona çatanda gülərüzlə salamlaşdılar.
-Dünənki təbrikin üçün çox sağol. Həqiqətən də gözlənilməz oldu.
-Dəyməz. Elə mənim üçün də gözlənilməz oldu.
-Nə?
-Elə bilidim mesaja gölə məni əməlli-başlı danlayacaqsan.
-Niyə danlayım ki? Mən sənin fikirləşdiyin qədər qəddar deyiləm.
-Mən demədim ki, sənin haqqında belə fikiləşiləm. Mesajı sona qədəl oxudun?
-Hə.
Xəyal müəllim onun reaksiyasını öyrənmək