soyuna-soyuna qardaşına deyinməyə başladı.
-Bu lap ağını çıxardı e. Camaat qız sevmir, camaatın başına iş gəlmir. Hamı bunun kimi dünayadan küssəydi, onda dünyada ağıllı adam qalmazdı ki.-Sonra yerdəkiləri yığışdırıb Əlini səsləyə-səsləyə otağa yaxınlaşdı.-Əli, ay Əli, haradasan?-deyib otağın qapısını açıb içəri girə-girə,-Bu nə tör-töküntüdür?-deyə guya qardaşından soruşdu. Lakin onu çarpayısında yuxuya getmiş görüb susdu. Şkafdan adyal götürüb onun üstünü örtdü. Əlinin qızaran sifətini görcək tez hərarətinin olub-olmadığını bilmək üçün əlini onun alnına qoydu.-Vayy, yanır ki, bu!-deyə təlaşlandı.
Əli isə tez-tez nəfəs alır, arabir də zarıyırdı. Hüseyn tez termometri axtarıb tapdı. Onun Əlinin qolunun latına qoyaraq vaxt itirmədən hərarəti sala biləcək, ağlına gələn hər şeyi eləməyə başladı.
Qapı tak-tak-tak deyə qəfildən döyülməyə başladı. Zümrüd xala otaqdan çıxıb “Mən baxaram.”deyib qapıya yaxınlaşdı. Gözlükdən baxdığı an donub yerindəcə donub qaldı. Gözləri onu yanıldırdı, yoxsa... Geri gedib öz-özünə düşündü. Yox, yəqin oxşadıb. Qapı yenə də bayaqkıtək döyüldü. Onun ürək döyüntüləri isə qapıdan da sürətli idi. Nə edəcəkdi? Açmasaydı qızları “Kimdir, qapını niyə açmırsan?” deyə başının üstünü kəsdirəcəkdilər. bBirtəhər özünü toplayıb qapını açdı. Bəli, qarşısındakı adam uğrunda ailəsindən belə keçdiyi, amma sonra onu iki körpəsi ilə qoyub pul qazanmaq adı ilə altı il əvvəl Rusiyaya gedən və onu rus qadınlarına dəyişən, əvvəllər tək sevdiyi, indi isə sadəcə qızlarının atası olan Bəhram idi. Zümrüd xala bir müddət susaraq soyuq nəzərlərlə onu süzdü. Lakin bu soyuqluğun içində bir təəccüb də var idi. Bəhram əminin qırışmış sifəti, solğun və yorğun gözləri, ağarmış saçları, əsən əlləri Zümrad xalanın diqqətindən yayınmadı. O, ərini belə təsəvvür eləmirdi. Ola da bilməzdi. Günlərini kefdə-damaqda keçirən biri necə bu günə qala bilərdi? Lakin ondan heç nə soruşmadı. Elə boş və sual dolu baxışlarla onu süzdü. Bəhram əminin gözlərində isə ondan fərqli olaraq