. Elə Ayana da. Oğlanlarınız Əlini, siz da Ayanı gözdən qoymayın. Daima onların yanında olun, xoş əhval-ruhiyyə yaradan söhbətlər eləyin. Mən də yanınızdayam. Çalışacam Əlini yola gətirim. Sizə də nə vaxt lazım olsam, mən buradayam.
-Baş üstə müəllimə. Çox sağolun. İzvinite, mən getməliyəm.
-Əlbəttə, buyur.
Asya razılıq eləyib çıxdı. Gözünü masanın üstündəki saatdan ayırmayan Mirvari müəllimə:
-Deyirsiniz, vəziyyət elə ciddidir?-deyə həmkarından soruşdu.
-Bəli, müəllimə. Vaxtında üstünə düşülməsə daha da ciddi ola bilər. Mən bu gün onun gözlərindən qorxdum. Onun əsəbləri yerində deyil. Özü də ən özünqapalı tipdir-melanxolikdir. Belə adamlar stresi içlərində keçirirlər. Kənara ziyan vurmurlar, tək ziyanları özlərinədir. Tez bir zamanda yaxşı bir psixoterapevtə göstərilməlidir. Mümkünsə ailəsi ilə danışın.
-Danışaram müəllimə, mütləq danışaram.-deyə Mirvari müəllimə başını yelllədi.
Gözlərini yerə dikən Asya metlaxları saya-saya ağır addımlarla siniflərinə doğru irəliləyirdi.
-Məni niyə gözləmədin, Asya bajı?-qəfildən, beş-on addım aralıdan gələn bu səsə diksindi. Mehdi əllərini qoynunda çarpazlayıb ona tərəf gəlirdi.-Dedim axı, gedəndə mənə də de.
-Hmm dedin,-Asya kinayə ilə ağzını büzdü,-üzünü turşudub “Dəli həkiminin yanına gedəndə mənə də de.”dedin.
-Nç, olmadı ki, belə. Mən zarafat eləyirdim.
-Mixaylo, tixo pojalusta.
Onlar artıq üz-üzə dayanmışdılar. Mehdi bayaqkından fərqli səs tonu ilə:
-Psixloq bizim dəli ilə danışa bilib?-deyə soruşdu.
Asya başını buladı. Sonra:
-Deyir ki, ona daha çox siz kömək eləməliniz. Onun yanında olun, daha çox şən söhbətlər edin. Onu həyata qaytarın.-dedi.
Kinayə ilə gülümsənərək başını bulayan Mehdi sonra ehtiyatla ətrafa boylanıb daha asta səslə:
-Gəl əyri oturaq, düz danışaq da, Asya bajı. Bax, aramızda ən şiti, ən çox deyib güləni mənəm. Əli mənim də zarafatlarıma gülmürsə, çıxardığım meymunluqlara reaksiya vermirsə, deməli, vəziyyət çox ciddidir.-dedi.
-Znayu Mixaylo, znayu.
-Mən ona elə-belə “dəli