qızla toqquşur. Qızın əlindəki kitab-dəftər yerə dağılır. Kayahansayağı “film gibi yani” Tez-tələsik kitab-dəftərini yığan qız oradan uzaqlaşır. Həmin gün Xəyal cismən dərslərdə oturur, fikri-xəyal isə toqquşduğu qaragözlü qızın yanında qalır. Xəyaldakı bu qeyri-adiliyi sezən Ayaz güclə də olsa ondan söz ala bilir. Elə onun təkidi ilə qızı, onun oxuduğu qrupu axtarıb tapırlar. Bir müddət dərsləri boşlayıb qızın arxasınca gedib-gələn Xəyal axır ki bir gün-qızın ad günü olan gün ona ürəyini açır. Əlindəki bir dəstə qızılgülü ona uzadıb:
-Ləna, səni seviləm.-deyir.
Onsuz da Xəyalın onun arxasınca sürünməyi, rəfiqələrinin hər dəfə Xəyalı görəndə ağız-burun büzmələrindən təngə gələn qız adını bu cür eşidib sanki odlanır:
-Sən nə cürətlə mənə yaxın gəlib bunları deyirsən? Kimsən ki mənə hədiyyə alırsan? Sən get birinci mənim adımı düzgün deməyi öyrən, sonra qabağıma çıxarsan!
Beləcə Sahil bağı Xəyalın bir daha ayaq basmayacağı yer olur.”
İndi də, illər sonra eyni şeyləri yaşamalı olmuşdu. Düzdür, Xatirə Rəna kimi onun təhqir etmirdi, amma onu istəmədiyini də hər səfərində biruzə verirdi.
Zümrüd xala hazırlığa getmək istəməyən qızlarını göndərməkdə qərarlı idi.
-Bax, keçən dəfə də mənim xəstə olmağımı bəhanə eləyib, İngilis dili hazırlığından qalmısınız. Bu gün iki dünya bir olsa gedəcəksiniz.
-E mama, onsuz da bütün proqramı qurtarmışıq. İndi təkrardayıq, getməsək dünya dağılmaz ki.
-Başa düşmədim, dünya dağılmaz ki, nədir ay qız?-Zümrüd xala tərs-tərs Nuraya baxdı.-Eşitməmisən, təkrar biliyin anasıdır? Sizin analara hörmətiniz budur?
-Halaldır e, mama. Bu vəziyyətdə də zarafatından qalmırsan. Özü də təkrar biliyin anası deyil, aynasıdır.-başını bulayan Günay sonra üzünü bacısına tutdu.-Mama əslində düz deyir e, Nuruş. Hazırlıqlardan çox qalmağın mənası yoxdur. Atamızın kefi durub qayıdıb deyə biz niyə öz gələcəyimizi sual altında qoyuruq?
Nuray yenə də tərs-tərs bacısına baxdı. Heç nə deməyib otağına keçdi. Elə bu vaxt qapının zəngi basıldı. Zümrad xala