a gözündən yayınmadı. Lakin Ayan bu simanın səbəbindən də, səbəbkarından da xəbərdar idi. Yerinə oturana qədər gözləri ilə Asyanı izləyən Mehdi onun duqqətini cəlb eləyib yeni nəsə kəşf etmiştək ona işarələr eləmyə başladı. Əli isə Ayan sinfə girəndən bəri gözlərini partadan çəkmirdi.
Tənəffüsdə Mehdi Asyanın qolundan dartaraq:
-Asya bajı, gedirik.-dedi.
-Hara?
-Dəli həkimini yanına.
-Poçemu, dəli olmusan?
-Özümə görə yox e, Əliyə görə. Dünən ağlıma yaxşı bir fikir gəlib.
-Sənin ağlına gəlibsə sto prosenta əla fikirdir.-Asya kinayə ilə ağzını büzdü.
-Hələ bir qulaq as, sonra ağız büzərsən. Gəl.-deyə-deyə Mehdi onu özü ilə birlikdə çölə apardı.
İsmayıl keçib Əlinin yanında oturdu.
-Əlişka, gələn bazarkı sınaq imtahanına bilet almısan?
-Əşi, neyləyrəm imtahanı? İmtahan gözümdədir indi?
-Mən sənin bu qədər aciz olduğunu bilməzdim.-Əli qaşlarını çatıb ona baxdı. İsmayıl Əlinin nəsə deməyini gözləmədən sözünə davam elədi.-Çox tez təslim olursan. Həyat səni imatahana çəkir, sən isə onsuz da kəsiləcəm deyib vərəqi boş verirsən.
-Mən başdan kəsilmişəm. Onsuz da nəsə yazsam, yenə səhvdir deyib kəsəcəklər.
-Bunu sən deyirsən. Əgər...
-İsmayıl!-Əli bezgin halda ona baxdı.-İnan ki dediklərini gündə ən azı yüz dəfə eşidirəm. Kənardan başqasının yerinə danışmaq, ağıl vermək necə də asandır.
-Doğrudan? Mən heç sənin yaşadıqlarını yaşamamışam axı. Dərd nədir, bilmirəm.
-Sənin yaşadıqlarında sənin günahın yoxdur. Mən isə öz quyumu özüm qazmışam.
-Hə, onda özü yıxılan ağlamaz, qardaş. Ona görə də dur ayağa, qazdığın yerləri də torpaqla. Sənə özündən başqa heç kim kömək eləyə bilməyəcək.-ayağa duran İsmayıl yerinə keçə-keçə.-Günorta sizə gələcəm, gedib bir yerdə gələn bazar üçün bilet alarıq.-dedi.
Sinfə gəldiklərindən bəri ilk dəfə idi ki, bacıların üzü gülürdü. Leyladan başqa da heç kim bunun səbəbini bilmədiyindən hamı təəccüb və maraq içində onlara baxırdı. Lakin dəyişən əhvalları onların xasiyyətinə təsir eləməmiş, kədərləri tək sevinclərini də heç kiminlə