bölüşmürdülər.
Sinfin qapısını yenə bağlı görən İsmayıl deyinə-deyinə durub qapıya tərəf getməyə başladı.
-Tənəffüslərdə bu qapını niyə bağlı qoyursunuz e? Qar-çovğundur?
Qapını özünə tərəf dartmışdı ki, bu vaxt çöldən gələn Sevil də qapını içəri açırdı. Əli boşa getdiyindən Sevil müvazinətini itirərək İsmayıla tərəf yıxıldı. Reflektiv olaraq İsmayıl da onu tutub saxladı. Sözün əsl mənasında Sevil indi onun qollarının arasında idi. Üç-beş saniyəlik göz təmasından sonra İsmayıl indi yıxılmaması üçün qollarının arasında bərk-bərk tutduğu qızın başqasının nişanlısı olduğunu xatırladı. Tez onu özündən aralayıb sinifdən çıxdı. Sevil həm qızarmış, həm də həyəcanından əsirdi. Bir yalanı xoşbəxtliyinə əngəl olmuşdu. Bayaqdan hamı kimi maraqla onları izləyən Qəmər özünü saxlaya bilməyib çox da yüksək olamyan səslə:
-Maşallah, bu qapıda da maqnit var e, elə bil. Gələn-gedən burada toqquşur.-dedi.

İki dərs keçdi. Zəng üçüncü dərs üçün çölə vurulmuşdu. Qonşu sinifdən bir qız gələrək Ayanı çağırıb Xatirə müəllimənin müəlliimlər otağında onu gözlədiyini, vacib nəsə deyəcəyini dedi. Ayan çölə çıxdı. Mehdi ilə Asya bir-birilərinə baxıb qımışdılar. Bu Yusifin gözündən qaçmadı. Mehdi əlləri cibində narahat halda o tərəf-bu tərəfə gedir, sanki kimisə, nəyisə gözləyirdi. Çox keçmədi ki, Kərəm sinfə girib Əliyə yaxınlaşdı. Qulağına nəsə dedikdən osnra Əli sinifdən çıxdı. Mehdi sanki bayaqdan bunu gözləyirmiş kimi əllərini cibindən çıxarıb:
-Axır ki!-dedi. Sonra üzünü Asyaya tutub.-Ortaq, haradan başlayaq?-deyə soruşdu. Maraqla sinfə göz gəzdirdi.
-Səncanı, nə plan qurmusunuz?-deyə Kərəm maraqla ona baxdı.
-Nə paln?-Mehdi özünü o yerlərə qoymadı.
-Ə yaxşı da. Nigar müəllimənin yanından gəlirəm. Asya ilə sən onun yanına gedib ondan kömək istəmisiniz. Planınızı tam başa düşməsə də məni göndərdi ki, Əlini çağırım. İndi neyləmək fikriniz var?
-Ay sağol, Kərəm, bu başqa məsələ. Su girdi qaba, oldu içməli. Daha sən də bizdənsən, gəl bura.-onu yanına çağıran Mehdi əyilib