günlük başqa yerdə otur.
Hamı maraqla Ayanın harada oturacağını gözləyirdi. Ayanın isə Əlinin yanında oturmaq kimi bir fikri yox idi. Keçib Yusiflə Sevincin arxasındakı boş partada oturdu. Oturan kimi də partanın “cıııığğğ”deyə zil səsi qulaq batırdı. Hamı gülüşdü. Ayan məyus halda ayağa durub digərə tərəfə-Kərəmin yerinə keçdi. Kərəm bu vaxt Kənanın yanında oturmuşdu. İkinci “cııığğ”. Bu Ayanı lap əsəbiləşdirdi. Sanki partalar onun acığına durmuşdu. Sinifdəkilər altdan-altdan qımışır və bir-birilərinə göz-qaş eləyirdilər.
-Doroqoya, keç Əlinin yanında otur, onun yanı boşdur.-deyə Zivər müəllimə özünü saxlaya bilməyib dilləndi.
Əli zahirən tükünü dü tərpətmədi. Gözlərini əlindəki dəftərə diksə də ürəyi uçunurdu. Çarəsiz qalan Ayan ayaqlarını sürüyə-sürüyə onun partasına yaxınlaşdı və növbəti cığı eşitməmək üçün son dərəcə ehtiyatla Mehdinin yerində oturdu. Planlarının birinci hissəsi uğurla tamamlanan Asya ilə Mehdi isə sevincək öz aralarında əllərini bir-birinə vurdular.
-Otkroyte kniqi.-deyə bir gözü Əli ilə Ayanda olan Zivər müəllimə sinfə müraciət elədi.-Stranica sto semnadcat. (Səhifə yüz on yeddi)
Şarap-şurupla kitablar vərəqləndi. Çantası və kitab-dəftəri öz yerində qalan Ayan Mehdidən onları verməyi xahiş elədi. Gülməmək üçün dodaqlarını bir-birinə sıxmış Mehdi Ayanın istədiklərini verərkən Əliyə də baxdı. Bu vaxt Əli oğrun-oğrun Ayana baxmaqda idi. Bu Mehdini sevindirməyə bilməzdi. Ayan Rus dili kitabını çıxarıb qabağına qoydu. Kitabı olmadığından Əli arxaya dönüb:
-İsmayıl, kitabınız var?-deyə soruşdu.
İsmayıl ortaya qoyduğu kiatbı işarə eləyib narazı şəkildə başını buladı. Çarəsiz qalan Əli sağ-soluna boylanmağa başladı. Gözü kinayə ilə ona baxıb gülüşən Tariellə Səbuhiyə sataşdı. Tariel:
-Tapsan bizə də ver.-deyə Əliyə baxıb bic-bic gülürdü.
Lakin Əli onlara fikir verməyib üzünü Kənangilə tutdu. Onun baxışlarından söhbəti tutan Kənan:
-Əli, vallah biz də çıraqgildən götürmüşük.-deyə ortaya qoyduqları kitabı göstərdi.
Çarəsiz şəkildə