q istədiyini, onun sənin üçün necə qiymətli olduğunu hiss elətdirməyə çalış.
Danışa-danışa Sevincin gözləri dolmuşdu. Həyəcanından sinəsi qalxıb enirdi. Nə qədər eləsə də özünü ələ ala blmirdi. Onu belə görən Yusif qaşlarını çatıb:
-Sənə nə oldu?-deyə soruşdu.
-Heeç,-deyə gözlərini qaçıran Sevinc gözlərini silə-silə,-bir anlıq o yadıma düşdü.-dedi.
-Hm,-Yusif yerindən durdu, əl atıb cibindən telefonu çıxara-çıxara,-gedim Vahidə zəng eləyim, görüm mənə nə təşkil eləyə bilər.-deyib qapıya doğru getməyə başladı.
Yusif sinifdən çıxmağını gözləyən Ayangil arxaya dönüb Sevinci danlamağa başladılar.
Günorta idi. Qar səngisə də havada şaxta var idi. məktəbdə işləri gec qurtaran Xatirə müəllimə bu gün evə gec getməli olmuşdu. Məktəbdən çıxıb ləpirlərlə evə doğru addımla, sürüşməmək üçün ayaqlarını yerə daha möhkəm basırdı. Məktəbin yuxarı qapısından çıxıb sağa buruldu. Bu vaxt üzü ona tərəf gələn qadın qarın üstündə səndələyərək divardan tutdu. Xatirə müəllimə isə tez ona yaxınlaşıb:
-Xala, yaxşısınız?-deyə soruşdu.
Bir əlilə gözlərini, digərilə divarı tutan qadın:
-Yaxşıyam,-dedi,-nəsə gözlərim qaraldı.
-İstəyirsiniz sizi evinizə qədər ötürüm? Eviniz haradadır?
-Yox qızım, sağol.
Qadın əlini gözündən çəkib ona tərəf baxdı. Sonra digər əlini də divardan aralayaraq bir-iki addım getməyə başladı. Lakin yenidən səndələdi və yıxılırdı ki, Xatirə müəllimə cəld tərpənib onu tutdu. Bir anlıq huşunu itirən qadın onun qollarının arasından sürüşdü. Xatirə müəllimə təlaşla əyilib onu qaldırmağa çalışdı. Bu vaxt uzaqdan bir qızın təlaşla onlara tərəf yüyürdüyünü gördü. Qız qarda sürüşə-sürüşə gəlib onlara çatdı:
-Mama, ay mama, nə oldu sənə?-deyə ona tərəf əyilib əlini yüngülcə onun üzünə vurmağa başladı.
-Ananızdır?-təlaşdan özünü itirən Xatirə müəllimə bir tərəfdən qadını tutmağa çalışır, digər tərəfdən də qıza baxırdı.
-Demək olar ki. Deyəsən, yenə də davleniyası düşüb.
-Mən yaxşıyam e, narahat olmayın.-huşu özünə qayıdan qadın gözlərini açmasa da onları