çünki bu insanın bir qəpiklik vicdanı yoxdur.
-Bağışla,-deyə Yusif məyus şəkildə dilləndi,-prosto istədim ki aradakı inciklik qalxsın. İnan ki sizi belə görmək məni çox incidir. Elədiklərim bir-bir başıma tökülür. Ahınız tutdu.
-Ahımız deyil, sənin öz günahındır.-Ayan kianyə ilə ona baxdı.-O qədər qızların arxasınca fırlandın ki...Səncanı, sən doğrudan da Sevincə qarşı nəsə hiss eləyirsən, yoxsa onu da fırlatmaq fikrin var?
-Əli haqqında dediklərimə inanmadın, özüm haqqında dediklərimə inanacaqsan? Nə isə, mən sənin vaxtını almayım. Hələlik.-Yusif bunu deyib aralanmağa başladı.
-Qaç, qaç. Qaçmaq sizin adətinizdir.-Ayan acı gülüşlə onun arxasınca baxıb dodağının altında danışmağa başladı-Utanmır, gəlib mənə Əlini müdafiə eləyir. Əli! Əli sən mənim bu dünyada tanıdığım ən qorxaq adamsan.-deyə monoloquna davam elədi.-Sənə o qədər nifrət eləyirəm ki, bu dünyaya sığmaz.-yenə gözləri doldu.
Əli “Rayal”dan test vəsaitini almaqla məşğul ikən Asya ilə sevincin içəri girdiklərini eşitdi. Arxası qapıya doğru olduğundan onları səslərindən tanımışdı.
-Doroqoya, buradan da tapmasaq, mama məni birtəhər eləyəcək.
-Narahat olma, burada hər şey var. Eşitmədin, Ayan nə dedi?
-Ayan demişkən, niyə bu gün fikirli idi?
-Nə bilim, Ayandır da. Onun fik...-artıq rəflərə yaxınlaşmışdılar ki, Sevincin gözü Əsmərə pulu uzadan Əliyə sataşdı. Dodağını dişləyərək Asyaya baxdı.
Qızları görən Əli başı ilə onları salamladı. Qızlar da eyni tərzdə onlar cavab verdilər. Sonra sağollaşan Əli dükandan çıxdı. Asya üzünü Əsmərə tutub not dəftərinin olub-olmadığını xəbər aldı. Əsmət isə gülümsəyərək “Burada hər şey var.” dedi. Deyəsən, o Sevincin bayaqkı sözünü eşitmişdi. Beləcə qızlar not dəftərini alıb pulunu ödədikdən sonra sağollaşaraq dükandan çıxdılar. Lakin qapının ağzında Əlini görcək təəccüblə bir-birilərinə baxdılar. Əli sanki Asyanın getməsini işarə eləyərək:
-Sevinc, vaxtın var? Səninlə danışmaq istəyirəm.-dedi.
Asya bu dəfə də arifliyini ortaya qoydu və musiqiyə gecikdiyini