söhbəti üçün məndən incimisən. Əslində elə demək istəmidim. Çox gözəl gölünüdün və mən də qolxdum ki, sənə göz dəyəl. Mən o qədə də qısqanc bili deyiləm. Səni belə tanıyıb belə sevmişəmsə səni dəyişdilməyə, nəsədə qadağa qoymağa haqqım yoxdu.
-Səni başa düşürəm. Elə mən də sənə qarşı çox kobud oldum, o dəqiqə üstünə düşdüm, imkan vermədim ki, ağzını açasan. Bir də ki, mənim kefimin pozulmasının əsl səbəbi Kəmalənin toyu ilə bu toyun üst-üstə düşməsidir. Bir gündə iki toy necə olacaq?
-Əsməl çox danışır, amma bəzən düz danışıl. Bi-iki saat Kəmalənin toyunda otulalsan, sonla mən gəlib səni o bili toya apalalam.
-Nə bilim. Uff, hələ bunun paltarı var, ayaqqabısı var, saçı var.
-Hə,-Xəyal müəllim ciddiləşdi,-palta demişkən, elə paltal seç ki qısa olmasın, bi də çox al-əlvan geyinmə, diqqət çəkəlsən. Makiyajdan az istifadə elə, ayaqqabın da çox hündül olmasın, boyda məni keçəsən. \ -Xəyal,-Xatirə müəllimə yolun ortasında dayanaraq ona baxdı,-sən yenə də başladın?
-İnandın?-Xatirə müəllimə əlini-əlinə vuraraq gülməyə başladı,-Səni sınayıdım. Amma ayaqqabı mövzusunda ciddiyəm.
-Yaxşı, onu nəzərə alaram.
Kənan artıq beş dəqiqəyə yaxın idi ki, telefonda Ələddini fikrindən döndərməyə çalışırdı:
-Yaxşı da Çıraq, olmadı ki! Qəbul gününün qurtarmağına hələ iyirmi gündən çox vaxt var. Bəlkə ona qədər vəsiqən tapıldı? Buna görə hazırlıqdan qalarlar? Düş gəl, səni gözləyirəm.
-Boş yerə gözləmə. Mənimki elə əvvəldən gətirməyib. Deməli ali məktəb də qismət deilmiş.
-“Mənimki əvvəldən gətirməyib”i Leylaya görə deyirsənsə, öz fərasətsizliyindir. Şəxsiyyət vəsiqəsi də elə böyüdüləcək bir şey deyil. Təzəsini çıxartdıra bilərsən.
-Doğrudan? Mən onu çıxartdırana qədər qəbul imtahanları da qurtaracaq.
-Sənə söz deməyin xeyri yoxdur. Daha özün bilərsən. Sağol.-deyib Kənan bezgin halda telefonu söndürərək cibinə qoydu.
Saatına baxd, biraz da yubansaydı, hazırlığa gecikəcəydi. Ələddingilin bloklarından aralanıb beş-on addım getmişdi ki, gözü qarşı binanın tinindən çıxıb tələsik