n əlinin üstünə qoydu.-Səninlə danışanda mən o qədər yüngülləşrimə ki. Yaxşı ki, varsan, xalam qızı, dostum, müəlliməm.
-Hər şey yaxşı olacaq. Amma indi dərsə getmək vaxtıdır. Artıq zəng də vurulub,-Xatirə müəllimə ayağa qalxdı,-Qalx, mənim də dərsim var.
Ayan dodaqlarını büzübü könülsüz şəkildə ayağa durdu.
Leylagil bufetin qabağına çatanda Nuray təlaşla onlara tərəf gəlməkdə idi. O Leylanı və onun əlində öz test blankını görüb əllərini sinəsinə sıxaraq:
-Oh, çox şükür,-dedi,-mən də bayaqdan sinifdə soruşmadığım adam qoymamışam.
-Nə əcəb, Tarix testi sənin yadından çıxıb sinifdə qalıb e? Axır vaxtlar yaman fikirli olmusan.-deyə Leyla ona göz vurdu.
-Nə bilim.-Nuray Sevincgilin burada olduğunu bildirmək üçün göz-qaş elədi.
Nurayın göz-qaşının oynadığını görən Asya Sevincin qolundan dartaraq oradan aralandı. Onlar getdikdən sonra Nuray Leylanın üstünə düşdü:
-Ay qız, onların yanında niyə belə göz-qaşla danışırsan? Elə biləcəklər nəsə var?
-Guya yoxdur? Həm də nə var ki burada? Hər kəs öz həyatına cavabdehdir.
Leyla bunu deyib getmək üçün ayaqlandı. Onun üz ifadəsinin dəyişdiyini görən Nuray:
-Belə dediyimə görə incidin?-deyə onu saxladı.-Nəsə kefin pozuldu.
-Yox ay qız, niyə inciyirəm ki? Kefim bayaq olanlara görə pozulub. Ayanı elə gördüm, lap pis oldum. Yazıq qız Əliyə görə necə qorxmuşdu? Amma sən Əliyə bax e, həm suçlu, həm güclü. Ayan bunun üçün canını verdi, bu isə hələ də qız kimi naz satır. Niyə ürəkdən sevənlərin qədri heç vaxt bilinmir?-Leyla bunları deyərək ah çəkib susdu.
-Hmm, Kənan da bir bilsə idi, onu kimin daha çox sevdiyini,-Nuray çəkinə-çəkinə, həm də Leylanın reaksiyasını bilmək üçün onun üzünə baxa-baxa dilləndi,-səni görə bilsə idi...
-Ay qız,-Leyla cərəyan vurmuştək dik atıldı, yerində qurdalanaraq,-Kənan məni niyə görməlidir ki?-narahat halda soruşdu.
-Yaxşı görüm,-Nuray ona göz vurdu,-bizə də yox da. Sən Kənanın hər addımını izləyirsən, biz də sənin.
Nurayın bu sözü qarşısında etiraz eləyə bilməyən Leyla köks ötürərək:
-Nə