maşına yaxın durmaram.
-Yaxşı gölüm, sən sevgilinlə də həl dalaşanda belə tövbə eləyirsən.
-Yox, bu dəfə başqadır. Sevgili demişkən, sizdə vəziyyət necədir?
-Nə bilim, pis deyil,-deyə Xəyal müəllim köks ötürdü.
-Nə olub, yenə naz eləyir?
-Yox, daha naz eləmi, amma nəsə...məktəbdəki toy val e, ona gəlmək istəmil, deyi həmin gün ləfiqəmin də toyudu, alınmı. Deyiləm sən o toya get, sonla mən səni götülələm o bilinə gedəlik, deyil bilmiləm.
Araya sükut çökdü. Gözlərini qıyıb dodaqlarını oynada-oynada fikrə gedən Rafiq birdən:
-O mütləq elçiyə görə elə eləyir.-dedi.
-Nə?-Xəyal müəllim üzünü turşudub ona baxdı-Sənin də dəldin elə elçi göndəlməkdi.
-Yox Mendeleyev, məncə yaxşı-yaxşı fikirləşsən mənə haqq verərsən, hətta ona da. Bax da, sən onu götürüb toya gedəcəksən, hansı ki orada sizin məktəbin müəllimləri olacaq, yəni Xırdalanın yarısı. Sonra orada pıçapıçlar başlayacaq. Arvad qeybətinin sonunun da hara getdiyini bilirsən də. Sizin aranızda da söz yox, nişan yox. Heç ailələr də bir-birini tanımır. Sənə problem olmasa da ona problem olacaq. Ona görə də elçini göndər, gör o səninlə gəlmək istəyir, ya yox.
-Hə, mən heç belə fikirləşməmişdim.-deyə Xəyal müəllim məmnun şəkildə başını yellədi.-Amma özü bu haqda heç nə deməyib axı.
-Ayə, hərhalda deməyəcək ki, elçi göndər, sonra. Fikirləşib ki, sən qanarsan da.
-Onda mən sabah onunla danışım,-deyə Xəyal müəllim düşüncəli şəkildə ayağa qalxdı,-yox, üzüyə indi pulum çatmaz.-qərarsız şəkildə evin ortasında fırlandı
-Sən yaxşısı budur, get əl-üzünı su vur,-onun bu halını görən Rafiq ayağa durub gülə-gülə dedi,-çay-çörəyini ye. Sonra necə təklif eləyəcəyini fikirləşərsən.
Yusifdəki bu dalğınlığı, əsəbiliyi sezən Valeh əmi ondan heç nə soruşmasa da arvadını bir kənara çəkib ondan xəbər almışdı. Nuridə xala isə ona Yusifin qonşu qızına qarşı dəyişən münasibətindən danışmış, sonra ondan bir dost kimi Yusiflə söhbət eləməyi xahiş eləmişdi. Arvadının bu xahişindən sonra həqiqətən belə bir söhbətin vaxtının çatdığını