i uduzmusan.-dedi.
-Pah,-deyə Mehdi kinayə ilə başını arxaya döndərib kinayə ilə ona baxdı,-mən səninlə mərcə girdiyimi xatırlamıram.
-Cığallıq eləmə, elə özün girmişdin.
Onlar beləcə mübahisə eləyirdilər ki, Əli sinfə girdi. Oğlanlar onu görcək ciddiləşib ayaqlandılar. Kənan yaxınlaşıb onun qolundan tutdu.
-Narahat olma e Kənan, gəzə bilirəm. hərhalda evdən bura gəzə-gəzə gəlmişəm.-Əli onu belə görüb yüngülcə gülümsədi.
-Yox, çox şükür, bu gün yaxşısan.-Ramazan dilləndi.
-Həkimə getdin, nə dedi?-deyə İsmayıl soruşdu.
-Hə, əşi həkimlər nə deyir? Onlar üçün xəstə olsun, dərman yazıb göndərdilər.
Əli yerinə oturdu. Mehdi əlini onun çiyninə vura-vura digər oğlanlara baxdı.
-Bir gün gələ bilmədim, qardaşıma baxa bilmədiniz də.
-Doğrudan e, sən dünən niyə dərsə gəlməmişdin?-Əli maraqla ona baxdı.
-Niyə olacaq, gecə üçə qədər Aysellə Araşı gözləyib.-Ramazan yenidən gülməyə başladı.
Çox keçmədi ki, digərləri də gəldi. Saat artıq doqquza işləsə Xəyal müəllim hələ yox idi. leyla onu soruşmaq üçün müəllimlər otağına getmişdi. Mehdi pəncərədən boylanaraq məzə ilə:
-Dəqiq maşının motoru su qaynadıb yolda qalıb.-dedi.-Baxma da, camaat o boyda yol gəlir.
-Yox, bu dəfə kimyəvi təcrübə qurbanı olub hə, Kərəm?-deyə Kənan üzünü ona tutdu,-Gecə ikən sınaq şüşələrinin yerini dəyişdirməmisən?
-Adamın adı çıxana qədər canı çıxsın buna deyiblər də.-Kərəm üzünü turşutdu.
Gələndən bəri dostlarının bu məzəli zarafatları Əlinin əhvlını qaldırmış,üzünü güldürmüşdü. Elə Ayan da sinfə gircək onu belə görüb sevinmiş, içinə rahatlıq gəlmişdi. Dünən bütün günü ona görə narahat olmuş, həm Əlinin dünənki halını, həm də xalası qızının dediklərini düşünmüşdü. İndi ona baxmamağa çalışsa da, könül gözü, nəzərləri onda idi. Elə Əlinin də fikri onda idi. Dostlarının zarafatlarına dodaq qaçırarkən Mehdiyə baxmaq bəhanəsilə ilə qaçaraq nəzərlərini ona yetirirdi
Çox keçmədi ki, Leyla ilə Xəyal müəllim ard-arda sinfə girdilər. Xəyal müəlliminürxahlıq eləyərək dərsə başladı. Lakin onun bu